რას გვთავაზობს BMW-ს განახლებული მესამე სერია?
რას გვთავაზობს BMW-ს განახლებული მესამე სერია?

08.05.2015
BMW-ს მესამე სერიის გაყიდვები მარტში 10 პროცენტით შემცირდა. რატომ? რანაირად? როგორ მოხდა ისე, რომ ბავარიელთა ბესტსელერს (14 მილიონზე მეტი გაიდული ეგზემპლარი 40 წელიწადში) ასეთი რამ დაემართა?

ამ კითხვაზე პასუხის გაცემა ძალიან ადვილია: იმიტომ, რომ განახლებული მოდელი მზადაა! გამოქვეყნდა პირველი ოფიციალური ფოტოებიც და დილერები განახლებულ ”მესამე სერიას” ამავე თვეში მიიღებენ!

მოდით, ერთად გავიაროთ, რა სიახლეებია განახლებულ ”სამიანში”.

Auto Bild
Auto Bild

ვიზუალური თვალსაზრისით მხოლოდ რამდენიმე დეტალია გაუმჯობესებული: მაგალითად, მოდიფიცირებული მაშუქები ოფციური LED-განათებით, ახალი ბამპერებით წინ და უკან, ან მნიშვნელოვნად გაუმჯობესებული ინტერიერი განახლებული ცენტრალური კონსოლით.

სიახლეებია კაპოტის ქვეშაც. მაგალითად, ახალი ”მესამე სერია” პირველად 3-ცილინდრიანი ძრავითაც ხელმისაწვდომია. 136-ცხენისძალიანი ძრავა ახალ საბაზო მოდელ 318i-ში იქნება ხელმისაწვდომი, ეს უკანასკნელი კი მოგეხსენებათ, 316i-ს შეცვლის.

3-ცილინდრიანი Turbo თავის მაქსიმალურ ბრუნის მომენტს (220 ნიუტონმეტრი) 1250 ბრუნიდანვე ავითარებს. თუკი გასწრებისას გაუჭირდა, Overboost-ის დახმარებით სიმძლავრე მცირე ხნით 230 ნიუტონმეტრამდე გაიზრდება - ამისათვის, აქსელერაციის სატერფულზე თამამად და მხნედ მიდგმაა საჭირო.

Auto Bild

6-საფეხურიანი მექანიკური გადაცემათა კოლოფის მეშვეობით BMW 318i 0-დან 100 კმ/სთ-მდე 8,9 წამში ჩქარდება, მაქსიმალური სისწრაფე კი 210 კმ/სთ-ია. ბავარიელები ამ ვერსიის შემთხვევაში 100 კილომეტრზე 5,5-ლიტრიან საწვავის ხარჯს გვპირდებიან. ოღონდ, ეს სედანის შემთხვევაში - კომბის შემთხვევაში კი - 5,9 ლიტრს.

საერთო ჯამში ხელმისაწვდომია ბენზინის 4 ძრავა (136-დან 326 ცხენის ძალამდე სიმძლავრით) და დიზელის 7 აგრეგატი (116-დან 313 ცხენის ძალამდე სიმძლავრით. სედანის სავარაუდო საწყისი ფასი დაახლოებით 30 000 ევროა, კომბის - 32 000 ევრო.

განახლებული ”მესამე სერიის” შესახებ უფრო დეტალურად ჟურნალ ”AUTO BILD საქართველოს” ივნისის ნომერში გიამბობთ. მანამდე კი გადახედეთ ფოტოგალერეას, სადაც ნახავთ, რა მოდელების გამოშვებას გეგმავს BMW 2019 წლამდე.

იხილეთ ფოტოგალერეა:
►BMW-ს გეგმები 2019 წლამდე
Auto Bild


facebook twitter twitter

ელფოსტა ბეჭდვა

ტეგები:



დეპუტატების პენსია ხალხს მილიონები უჯდება
რომელ ქვეყნებში შევძლებთ უვიზოდ მიმოსვლას
რუსმა ტურისტებმა თურქეთი საქართველოზე გაცვალეს

N76 მარტი 2016
ახალი ნომერი
ფრენის განრიგი

მატარებლის განრიგი

IMG
აფიშა


ჰოროსკოპი

TV პროგრამა

ვალუტა


Lincoln Town Car 10000 $
შევისყიდი რუსულ ფაიფურის ფიგურებს. შეგიძლათ

მეორადი საბურავები ძალიან იაფად: Ford
სასწრაფოდ იყიდება სკუტერი კარგ მდგომარეობაში