თვითმფრინავები გვეხმარებიან დანიშნულების ადგილამდე ყველაზე სწრაფად მივიდეთ, ისინი ჩვენს დროს უფრთხილდებიან, ჩინურმა კორპორაციამ კი შექმნა ზესწრაფი მატარებლის კონცეპტი, სახელად  Maglev, რომელიც ამიერიდან მათი სერიოზული კონკურენტი გახდება ხმელეთზე.

ის მაგნიტური ბიძგის წყალობით ვაგონების შემადგენლობის აწევას იწყებს და განაპირობებს მათ მოძრაობას. ფაქტიურად, მატარებელი დაცურავს ჰაერის ბალიშზე, რომელიც წარმოიქმნება კორპუსსა და მაგნიტის რელსს შორის.



მატარებელი 600 კმ/სთ სიჩქარეს ავითარებს, რაც მას ყველაზე სწრაფ ტრანსპორტის სახეობად აქცევს ხმელეთზე და ამოქმედების შემთხვევაში გადაადგილების ყველაზე სწრაფი საშუალება გახდება. დღეს პეკინიდან შანხაიმდე მანძილის დაფარვას სწრაფმავალი მატარებლი 5 საათს ანდომებს, თვითმფრინავით 4 საათია საჭირო, Maglev-ს კი მხოლოდ 3 საათი დასჭირდება.

მატარებლის პროტოტიპი მიმდინარე წლის მაისში ქალაქ ცინდაოში უჩვენეს. იდეის შესახებ კი პირველად 2015 წელს გაცხადდა. კომპანია მის წარმოებას 2021 წლიდან გეგმავს, ხოლო ექსპერიმენტული ტრასა უკვე შექმნილია.