BMW M5-ის ახალ თაობას ელექტროფიცირება ელის: სპორტული სედანი საბაზისო ვარიანტში აღიჭურვება 750 ძალიანი აგრეგატით X8 M-ისგან, ხოლო მოგვიანებით გამოჩნდება სულად ელექტრო სამძრავიანი  M5, რომლის ჯამური სიმძლავრე 1020 ცხენის ძალა იქნება. ის ასევე აღიჭურვება ახალი ელემენტების პაკეტით რომელიც საშუალებას მისცემს ერთჯერადად 700 კმ მანძილის დაფარვის.

ჟურნალ Car-ს ინსაიდერები უყვებიან, რომ „მეშვიდე“M5 გახდება პირველი მოდელი M-განყოფილებაში, რომელიც მყიდველს შესთავაზებს მოდელს შიგაწვის ძრავის გარეშე. ნავარაუდევია, რომ სიახლე აღიჭურვება 800 ვოლტიანი ელექტროსისტემით, ისევე როგორც Porsche Taycan.

ელექტრო M5-ის ძალისმიერი აგრეგატი უკანა ღერზძე ორი ეელქტროძრავით იქნება წარმოდგენილი, ხოლო ერთით წინაზე.  თითოეული მათგანი სიმძლავრე იქნება 250 კვ (340 ცხენის ძალა), შედეგად კი ჯამრუად ავტომობილი 1020 ცხენის ძალას გამოიმუშავებს. ნავარაუდევია, რომ ის 0-დან 100-მდე 2,9 წამში აჩქარდება და ელექტრო M5-ის პრემიერა 2024 წელს მოხდება.

რაც შეეხება ჰიბრიდულ M5-ს, ის აღიჭურვება ბიტურბირებული 4,4 ლიტრიანი  V8 ძრავითა და 200 ძალიანი ელექტროძრავით, ჯამურად ავტომობილი 750 ცხენის ძალას და 1000 ნმ მაბრუნ მომენტს გამოსცემს, მისი დებიუტი 2023 წელს მოხდება.

დიდი ალბათობით ახალ BMW M5-ს ააწყობენ პლატფორმა  CLAR WE-ზე და მისი აუხლოესი ნათესავი გახდება სედანი i7

ამ მომენტისთვის კი კომპანია კონცენტრირებულია M5-ის მიმდინარე ოჯახის რესტაილინგზე. სულ მალე უნდა ველოდოთ სარბოლო M5 CS-ის გამოჩენას..