ელიტარული თეთრი მგელი
ელიტარული თეთრი მგელი
19.12.2011

«ყველაზე ეკონომიური პიკაპი», «კლასში საუკეთესო კომერციული ავტომობილი» და «რალი პარიზი-დაკარის 2010 წლის ოფიციალური გადამზიდი» - ეს ტიტულები «სახალხო პიკაპმა», შეიძლება ითქვას, დაბადებამდე მოიპოვა

კონვეიერზე ავტომობილი წესიერად შემდგარიც კი არ იყო, როდესაც ავტოექსპერტებმა და ჟურნალისტებმა იგი უკვე «ჩინ-მენდლებით» დახუნძლეს. Volkswagen Amarok-ის შესახებ, ჩვენი გერმანელი კოლეგებიც რუდუნებით საუბრობდნენ და ჩვენც დაგვაინტერესა, თუ როგორია ეს ახალი ქმნილება, ამართლებს თუ არა თავის ტიტულებს. ამის გასარკვევად კი, რა თქმა უნდა,  საქართველოში «ვოლფსბურგული» ავტომობილების ოფიციალური დილერის, «იბერია აუტოს» შოურუმს ვეწვიეთ, სადაც უკვე თავს იწონებდა თეთრ ფრაკში გამოწყობილი «ამაროკი».


გერმანელმა ინჟინრებმა და დიზაინერებმა მართლაც სანაქებოდ იმუშავეს და სრულიად ახალი ავტომობილი შექმნეს - ახალი პლატფორმა, შასი, ძრავა, დიზაინი... ყველაფერი მშვენივრად გამოიყურება. მართალია, სიტყვა «ამაროკი» სამხრეთამერიკელ ინდიელთა ტომის ენაზე «მგელს» ნიშნავს, მაგრამ პიკაპის გამოხედვაში, ამ ცხოველის შტრიხები ნაკლებად იკითხება და თუ იკითხება, მაშინ უნდა ვთქვათ, რომ საკმაოდ ინტელიგენტ მგელთან გვაქვს საქმე!


ერთი სიტყვით, დიზაინი დახვეწილი, ლაკონური და მიმზიდველია. მომწონს ასეთი ავტომობილები - რომლებიც ზედმეტი ფორმებისგან თავისუფალია და ფუნქციურობასაც არ კარგავს. სიმპათიურია!


სალონში მოთავსებულს, პირველი, რაც თვალში მხვდება, ცენტრალურ კონსოლზე განთავსებული რადიომიმღების დიიიდი ციფერბლატია. რა ნაცნობი გამოხედვა აქვს ამ რადიოს? ააა, ასეთი რამ, თუ არ ვცდები, «ტურანში» შემხვედრია! მაჩვენებელთა დაფა და ციფერბლატი სასიამოვნოდ ანათებს, ბევრი დეტალი კი ისევ ძალიან მეცნობა და ვხვდები რომ «ამაროკს» დეტალების უმრავლესობა სხვა «ფოლკსვაგენებისაგან» ერგო. დიდი ამბავი, მგელი ხომ ხროვაში მცხოვრები ცხოველია და «შენი და ჩემი» რამ გაყო?


საინტერესოა ამ დეტალების წარმოშობაც. მაგალითად, პორტაბელური საფერფლე ესპანეთში, Seat-ის ქარხანაშია დამზადებული, უსაფრთხოების ღვედები ჩეხეთში, ანუ Skoda-ში, ხოლო ავტომობილი კი საბოლოოდ არგენტინაშია აწყობილი. როგორც ხედავთ, მაგარ მომთაბარე მგელთან გვაქვს საქმე, მაგრამ ამის მიუხედავად, ინტერიერს ვერაფერს დაუწუნებ - კომფორტული, ერგონომიკული, მოხერხებული, ხარისხიანი და ფუნქციონალურია. კარგად ზიხარ, ყველაფერს წვდები, ადვილად მართავ და სხვა რაღა უნდა ადამიანს, რომელმაც საჭესთან დიდი დრო უნდა გაატაროს?


გასაღებს ვატრიალებ და დიზელის 2-ლიტრიანი, ბიტურბირებული აგრეგატი ტიკტიკით ეშვება. მაღალ ბრუნებზე სასიამოვნოდ ღიღინებს და მთლიანობაშიც, მისი ხმაური არ გაწუხებს. მომწონს თანამედროვე დიზელები! ამ მცირელიტრაჟიან ძრავას 163 ცხენისძალა აქვს და საკმაოდ მაღალი მაბრუნი მომენტიც - 400ნმ/1500-2000 ბრუნზე! ქაღალდზე ეს ყველაფერი მშვენივრად ჩანს, მაგრამ ადგილიდან დაძვრისას, მოულოდნელად გავჩერდი! ძრავა ჩაქრა...


თავი უხერხულად ვიგრძენი, თითქოს მართვის მოწმობის გამოცდას ვაბარებდი და ჩავიჭერი, მაგრამ არ დავიბენი და თავიდან დავქოქე. მეორედ ასეთი რამ უკვე აღარ დამმართნია, ვინაიდან ბრუნებს ოდნავ მოვუმატე და სვანეთი გამახსენდა... რატომ სვანეთი? იმიტომ, რომ იქაც იგივე დამემართა, თანაც რამდენჯერმე და არამარტო მე, არამედ ჟურნალ «ავტორევიუს» წარმომადგენლებს - ნიკოლაი საროკინს და მთავარ რედაქტორ მიხაილ პოდოროჟანსკისაც! რომელ ავტომობილზე? Skoda Yeti - 1.8 ლიტრი ბენზინის ტურბირებული ძრავით, რომელსაც საკმაოდ დიდი ტურბოორმო «აღმოაჩნდა»! საქმე აქაც დაახლოებით იმავესთან გვაქვს, ოღონდ იმ განსხვავებით, რომ ძრავა დიზელისაა და ბრუნების ძალიან მაღლა აწევა არ მიხდება.


ეგ არაფერი, სამაგიეროდ ტრასაზე გასული «ამაროკი» სულმთლად «გამგელდა» და ყოველ წამს გადაცემის გამოცვლას ითხოვს! სულ რამდენიმე წამი და უკვე 120-ით მივქრივართ. მართლაც შესაშური დინამიკაა! 11 წამში ავტომობილი 100კმ/სთ-ს ავითარებს! გზაზე კარგად დგას და რბილადაც მიცურავს, არც ზედმეტი ხმაურები მაწუხებს. მოკლედ, ტრასაზე ხუთიანი შეიძლება დაეწეროს - გაშლილ მინდორში მგლის მუხლი ხომ თავისას შვრება...


თუმცა პიკაპი რისი პიკაპია, თუ გზიდან არ გადავიდა და ტალახშიც არ ამოიგანგლა? ასეთი პროცედურებიც წინ გველის, რადგან Amarok-ის შესაძლებლობების გაგება ბოლომდე გვინდა. გზიდან გადავდივარ და «საინტერესო» ადგილების ძიებას ვიწყებ. უსწორმასწორო ზედაპირზე შეიმჩნევა, რომ ვოლფსბურგელ მგელს ოდნავ მოკლე ფეხები აღმოაჩნდა, ანუ დაკიდების სვლები ზოგიერთ ადგილას არ გვყოფნის და ძალიან ხშირად, სრულიად უწყინარ ადგილასაც კი უკანა საბურავი ჰაერში იწყებს ტრიალს, მაგრამ ეგ არაფერი, ავტომობილი ხომ დაუტვირთავია და მსგავსი მიდრეკილება თითქმის ყველა დაუტვირთავ პიკაპს ახასიათებს. აღმართ-დაღმართში ისევ ტურბოორმო მახსენებს ხანდახან თავს, მაგრამ ამასაც ადვილად ვუმკლავდები, სამაგიეროდ, ყველა უსწორმასწორო ზედაპირზე უხმაუროდ და რბილად გადავდივარ.


კარგი გასართობია, განსაკუთრებით სტეპებში! ტვირთამწეობაც პატარა არაა, დაახლოებით 950 კილოგრამამდე. მოკლედ, შინაგანად კომფორტულ Amarok-ს, საჭიროების შემთხვევაში, გამგელებაც შეუძლია და კბილების «დაკრეჭაც»!


 


 




































VW Amarok


 



ტექნიკური მონაცემები


 



ძრავა


 



2.0 TDI


 



სიმძლავრე


 



120 კვტ/163 ცხ. ძ.


 



ამძრაობა


 



4X4


 



გად. კოლოფი


 



6-საფ. მექანიკა


 



პაკეტი


 



ჰაილაინი


 



მოცურებისა და ბუქსირების საწინააღმდეგო სისტემები ASR, ABS; ელ-დიფერენციალის ჩამკეტი EDL; ბამპერები ავტომობილის ფერში; უკანა ბამპერში ინტეგრირებული საფეხური; ორმაგი კაბინა; თავის მისაყრდნობი უკანა სავარძელზე; 3-ადგილიანი სავარძელი უკან; სათავსოები წინა სავარძლების ქვეშ; ცენტრალური საკეტი დისტანციური მართვით; ელ. შუშები; ნაჭრის სალონი; რეზინის საფარი სალონში; მძღოლისა და მის გვერდით მჯდომი მგზავრის აირბალიშები, ამ უკანასკნელის დეაქტივაციის ფუნქციით; ელ. სარკეები გათბობით; გარეთა სარკეების ქრომირებული ბუდეები; გატაცების საწინააღმდეგო სისტემა «იმობილაიზერი»; 12-ვოლტიანი დენის წყარო; კრუისკონტროლი; მსუბუქი ლითონის დისკები 8 Jx17, საბურავები 245/65 R17; რადიოსისტემა RCD 310, 6 დინამიკით, CD Player-ით და MP3 ფუნქციით; ტყავის საჭე; ნისლსაწინააღმდეგო ფარები; მულტიფუნქციური დისპლეი; კლიმატტრონიკი.


 



ფასი («ფოლკსვაგენის» თბილისის ცენტრში): 30 200 დოლარის ეკვივალენტი ლარში


 



 


 


დასკვნა


ავტომობილი მთლიანობაში მომეწონა - მისი კომფორტულობიდან გამომდინარე. ბიტურბირებული აგრეგატი ტრასაზე არაჩვეულებრივ დინამიკას გვპირდება. საწვავის ხარჯიც მშვენიერია: ქალაქში, დაახლოებით 9.9 ლიტრი, ტრასაზე კი 6.5. ეს ყველაფერი იმას ნიშნავს, რომ «ამაროკი» ელიტარული ნადირობებისა და მოგზაურობებისთვის ზედგამოჭრილია.


დემურ აფციაური

carusel_title
  • «ყველაზე ეკონომიური პიკაპი», «კლასში საუკეთესო კომერციული ავტომობილი» და «რალი პარიზი-დაკარის 2010 წლის ოფიციალური გადამზიდი» - ეს ტიტულები «სახალხო პიკაპმა», შეიძლება ითქვას, დაბადებამდე მოიპოვა
  • მძღოლის «სამუშაო» ადგილი საკმაოდ კომფორტულია
  • ელეგანტური სალონი მოხერხებულიცაა
  • კაპოტქვეშ 2-ლიტრიანი, ბიტურბირებული დიზელის ძრავაა
  • გერმანელმა ინჟინრებმა და დიზაინერებმა მართლაც სანაქებოდ იმუშავეს და სრულიად ახალი ავტომობილი შექმნეს - ახალი პლატფორმა, შასი, ძრავა, დიზაინი...
  • სათავსო წინა სკამების ქვეშ
facebook twitter twitter
ელფოსტა ბეჭდვა
ტესტები
მრჩეველი
რეპორტაჟი
ავტოსპორტი
ტექნოლოგიები
article image
გაიცანით GLE! მერსედესმა ML-ის შემცვლელი გვიჩვენა
2015-03-26 15:14:37
M-კლასი გუშინ იყო, მის შემცვლელს კი GLE ჰქვია
სრულად
article image
Cat Image
ყველაფერი ახალი Hyundai Tucson-ის შესახებ
2015-03-25 08:23:51
ix35-ს ისევ Tucson შეცვლის!
სრულად
article image
Cat Image
სამაგალითო როდსტერი, მისტერ თავისუფლება
2015-03-20 09:26:42
თავღია TT-ს შეუძლია ყველაფერი, რაც კაბრიოლეტს უნდა შეეძლოს
სრულად
მხოლოდ ნამდვილი მამაკაცებისთვის - როგორი წვერი უნდა ვატაროთ (+PHOTO)
ეს ქალაქი 25 წელი წყლის ქვეშ იყო (+17 PHOTO)
20 ფოტო იმის შესახებ, თუ რას ნიშნავს იყო ნამდვილი მამა!
ჯაბა კანკავა: დაცვაში კომპაქტურად უნდა ვითამაშოთ და ჩვენს შანს დაველოდოთ
ჩერნოგორიელმა ფანებმა რუსეთის ნაკრების მეკარეს მაშხალა თავში მოარტყეს, მატჩი ჩაიშალა [VIDEO]
შოთა არველაძე: ამის გამო შენს ნაკრებს არ უნდა დაუსტვინო
სხვა სიახლეები
28.11.2013
ახალი "ტოიოტა კოროლა": რევოლუცია და ევოლუცია იაპონურად
სრულად
ტრადიციული ამერიკელი თანამედროვე ფუნქციებით
05.11.2013
პირველი შეხვედრა ახალ Chevrolet Captiva-სთან, რომლის ფასი ”შევროლეს” ცენტრში 21 900 დოლარიდან იწყება
სრულად
ქაშქაი აქ, ქაშქაი იქ...
22.10.2013
...ქაშქაი ყველგან! აი, რატომაა ის ნისანის ბესტსელერი...
სრულად
დოლარი, ლარის გარდა თითქმის ყველა ვალუტის მიმართ უფასურდება
მაღალანაზღაურებადი სამსახური ზარმაცებისთვის
წამლის პირველი სასახლეები საქართველოში
N65 თებერვალი 2015
ახალი ნომერი
თბილისი 10°
img
სხვა ქალაქები
ფრენის განრიგი
მატარებლის განრიგი
IMG
აფიშა
ჰოროსკოპი
TV პროგრამა
ვალუტა
Volkswagen Passat 6500 $
Mercedes-Benz ML 350 27000 $
Nissan Elgrand 5400 $
Mercedes-Benz C 180 2800 $