თბილისური ავტოჩანახატი
26.03.2013

სად იყო ადრე ამდენი გასართობი, დღეს რომ გვაქვს? არადა, ვიღაცეები ამბობენ, მოსაწყენი ცხოვრება დადგაო. ეტყობა, ფანჯრიდან არ იყურებიან

სად იყო ადრე ამდენი გასართობი, დღეს რომ გვაქვს? არადა, ვიღაცეები ამბობენ, მოსაწყენი ცხოვრება დადგაო. ეტყობა, ფანჯრიდან არ იყურებიან.


მოწყენილებს, თუ კორპუსში ცხოვრობენ, მე, პირადად, ფანჯრიდან ყურებას ვურჩევდი. ამასთან, თუ ბედი წყალობთ და კორპუსი ისეთ ადგილზე დგას, სადაც ერთი მხრიდან ეზოა, მეორედან კი ქუჩა, მათ ბედს ძაღლი საერთოდ აღარ დაჰყეფს. არასოდეს! მეტიც, სეირით გართულებმა, შეიძლება, მთელი დარჩენილი ცხოვრება, საკუთარ ბინაში, წინ და უკან სირბილში გაატარონ და ერთ მშვენიერ დღეს აღმოაჩინონ, რომ უკვე 86 წლისა გამხდარან. ამას ან ვიღაც ეტყვის ან იგრძნობენ, როცა შუა ოთახს ძველებური სიმკვირცხლით ვეღარ გადაკვეთენ და სადმე, სარკესთან შეყოვნდებიან.


ამდენი უკბილო ხუმრობა დღევანდელი თბილისის ავტო-ჩანახატისთვის დაგვჭირდა. ქალაქისა, რომელიც ევროპისკენ მიიწევს, თუმცა მის ქუჩებში მანქანები და ადამიანები ერთმანეთში მაინც აზიურად იზილებიან. გადაიხედეთ, მაგალითად, ზემოთ აღწერილი კორპუსიდან ქუჩის მხარეს. რას ხედავთ? ტროტუარის კიდესთან დახაზულ სადგომს, სადაც მძღოლებს მანქანების ხაზებს შორის ჩაყენება ვერ მოუხერხებიათ და ოკრობოკროდ დაუტოვებიათ. რაც უფრო მდიდრულია მანქანა, მით უფრო უდიერად დგას. ამ მანქანების მწკრივთან, ქუჩის სიღრმეში, ვხედავთ სხვა მანქანებს, რომლებიც მათ კეტავენ. ამ მანქანებს ავარიულები უციმციმებთ, რაც იმას ნიშნავს, რომ მგზავრი გადმოვიდა, მძღოლი კი შიგ დარჩა და ელოდება. შეიძლება, მძღოლიც გადმოვიდა ერთი წამით. მოშორებით კიდევ ერთი მანქანა დგას, რომელსაც ავარიულები არ უციმციმებს. ეს უფრო ცუდი შემთხევაა - ესე იგი, გოგონა ვერც მიხვდა, რომ ვიღაც ჩაკეტა.


მანქანების ამ მწკრივს შორის დადის კაცი მწვანე ან ყვითელი მოსასხამით და ძველი ავტოინსპექტორის ჯოხით. ეს გახლავთ ადამიანი, რომელზეც ტელევიზორში გვეუბნებიან სინამდვილეში არავინაც არ არისო, მაგრამ 50 თეთრი მაინც უნდა მისცე. ამასთან, თუ შენს მანქანას «სიტიპარკის» გოგო-ბიჭები შემოესიენ, შენ კი «თბილისი არ გიყვარს», ეს კაცი ვერ გიცავს.


ქუჩის კიდევ უფრო სიღრმეში, მოციმციმე მანქანების მერე, თითქმის ორმაგ ხაზთან (ჩვენთან, ევრ-აზიაში, ქუჩები ხომ ვიწროა) «მარშრუტკები» ჩერდებიან. და, იცით, რას აკეთებენ ამ დროს ის მძღოლები, «მარშრუტკებს» უკან რომ მოყვებოდნენ? ორიდან ერთს: ან იგინებიან და ელოდებიან, როდის ჩამოსვამს «მარშრუტკა» მგზავრს, ან იგინებიან და ცდილობენ დანჯღრეულ მიკროავტობუსს შემოუარონ, რითაც გზას უარესად კეტავენ და «საცობს» ქმნიან.


სწორედ ამ დროს ამჩნევთ, რომ კორპუსის კუთხეში, ძველ გასტრონომთან, ერთი მანქანა «წრიალებს». აშკარად ადგილს ეძებს. დიდი მიხვედრა არ სჭირდება, ეს ურჩი გადამხდელია - ავტოსადგომების თანხას არასდროს იხდის და მუდამ ისეთ ადგილებს ეტანება, სადაც «სიტიპარკის» გოგო-ბიჭები არ დადიან - კორპუსის ეზო, პირველ სართულზე მცხოვრებთა ბაღ-ბოსტნები... თუ მოახერხა, ლოჯშიც შეუძვრება ვინმეს. ახლაც ცმუკავს, თქვენი კორპუსის ეზოსთან ცდილობს მოხერხებული ადგილის პოვნას. ცხადია ვერ იპოვნის და ეზოში მოუწევს შემოსვლა, იქ კი მარტო თენგიზას და გურამას ადგილებია თავისუფალი. თენგიზა მალე დაბრუნდება და თავის ადგილზე უცხო მანქანა რომ დახვდება, ქოშს უკუღმა ჰყრის.


ესეც თქვენ მიზეზი, რომ ბინის მეორე ბოლოსკენ გახვიდეთ და ეზოში გადაიხედოთ. გახვედით და რას ხედავთ: «ურჩ გადამხდელს» თენგიზას ადგილის დაკავება მორიდებია და ჟენიას ჯიხურთან გადაუწყვეტია ორი ბორბლით ტროტუარზე შედგომა, იქ კი ლოჯების მოშენების ეპოქიდან ერთი წვეტიანი რკინაა კარგა მაღლა ამოშვერილი. კორპუსის მაცხოვრებლების მეტმა, მისი არსებობის შესახებ, არავინ იცის. თან, ისეთ ადგილზეა, არც ჩანს, ოხერი. ჰოდა, მთელი ეზო გადაიკეტა...


...რას ამბობთ, სად იყო ადრე ამდენი გასართობი, დღეს რომ გვაქვს. ვიღაცეები ამბობენ, მოსაწყენი ცხოვრება დადგაო. ეტყობა ფანჯრიდან არ იყურებიან.


ილია ბაბუნაშვილი

carusel_title
facebook twitter twitter
ელფოსტა ბეჭდვა
ტესტები
მრჩეველი
რეპორტაჟი
ავტოსპორტი
ტექნოლოგიები
article image
სუპერსპორტული 80 ცხენის ძალით
2014-07-01 10:49:46
80 ცხენის ძალით მცირელიტრაჟიანების მფლობელებიც უკმაყოფილონი არიან ხოლმე, Caterham-ში კი ასეთი სიმძლავრე ხმაურისთვის სავსებით საკმარისია
სრულად
article image
Cat Image
2014-06-30 13:35:59
ვინ თქვა, რომ ”ჯიპი” მაინცდამაინც კუთხოვანი და უხეში უნდა იყოს? ახალი ”ჩეროკი” საპირისპიროს ამტკიცებს: მას სირბილეც მოუხდა
article image
Cat Image
ეკონომიური მაზერატი
2014-06-26 08:43:12
როგორია MASERATI QUATTROPORTE დიზელის ძრავით?
სრულად
ფოტოები, რომლის გამო რუს წამყვანს მილიონებს სთხოვდენ (+3 PHOTO)
ავარია, ტანკი, დაკუწმაწებული მანქანები - როგორ იღებდნენ "ფორსაჟი 6"-ს (+VIDEO)
დინამო-დნიპრო 1:2 - დასანანი მარცხი [VIDEO]
რუსი მღვდელი: მუნდიალია თუ ჰომოსექსუალური სირცხვილი?
ბრაზილიელი ჯადოქარი გერმანიის ნაკრების დაწყევლას აპირებს
სხვა სიახლეები
სადაა ჩემი საჩუქარი?
31.12.2013
ავტომობილამდე იყო ცხენი. თუმცა, მიუხედავად იმისა, რომ დღეს ცხენს სატრანსპორტო საშუალებად თითქმის აღარავინ იყენებს, მანქანასთან მიმართებაში მაინც ყოველთვის ვახსენებთ ხოლმე.
სრულად
ჩემი «ოპელ ასტრა» გავათხოვე
17.10.2012

იმ დღესაც ვზივარ სამსახურში და დასცხო ჩემმა ტელეფონმა «ბლექ დოგი». დავხედე - უცხო ნომერია. გისმენთ-მეთქი. განცხადების თაობაზე ვრეკავო

სრულად
რატომ უნდა ვიყო ახვარი?
07.09.2012

მერფის კანონები გაგიგიათ? მე დიდი ხნის წინ წავიკითხე, ბევრი ვიცინე და რამდენიმე დამამახსოვრდა

სრულად
”ტავ უბრან ჯორჯიას” თბილისის აეროპორტის მართვა 10 წლით შეუმცირდა
გირაოს ფასი ბინის გასაყიდ ღირებულებას გაუტოლდა
ჭირნახულის დაზღვევა ჩვენს ფერმერებსაც ეღირსებათ?!
N58 ივლისი 2014
ახალი ნომერი
თბილისი 26°
img
სხვა ქალაქები
ფრენის განრიგი
მატარებლის განრიგი
IMG
აფიშა
ჰოროსკოპი
TV პროგრამა
ვალუტა
იყიდება
Mercedes ML350
Mercedes CLK240
იყიდება