ეს ადგილი პრობლემურია, ტროტუარი უნდა გაუქმდეს!
ეს ადგილი პრობლემურია, ტროტუარი უნდა გაუქმდეს!
29.04.2014
ჟურნალ ”AUTO BILD საქართველოს” იდეას, თამარ მეფის გამზირიდან ესტაკადაზე ასასვლელ მონაკვეთზე ტროტუარის გაუქმებასთან დაკავშირებით დიდი გამოხმაურება მოჰყვა. ექსპერტების უმრავლესობა იდეის არსს ეთანხმება იმაში, რომ მოაჯირის მონგრევა და იმ ტროტუარის გაუქმება, რომელსაც ფაქტობრივად არავინ იყენებს, გზას გააფართოვებს და მოძრაობას ოდნავ მაინც განტვირთავს. გაზეთ ”კვირის პალიტრის” ახალ ნომერში ამ თემაზე საინტერესო სტატია გამოქვეყნდა, რომელსაც ქართული AUTO BILD-ის ვებგვერდზეც უცვლელად გთავაზობთ:

გამოსავალი საგზაო კოშმარიდან - მოანგრიეთ ტროტუარი პანდუსზე!..

თითქმის ერთი წელია, საცობების გამო თბილისში, გმირთა მოედანზე გავლა ჯოჯოხეთში მოგზაურობას დაემსგავსა. ასეთ შედეგს ექსპერტები ჯერ კიდევ "კვირის პალიტრის" 2012 წლის 26 მარტის ნომერში ვარაუდობდნენ. ისინი მიიჩნევდნენ, რომ გმირთა მოედნის ერთზოლიანი პანდუსები არათუ მოძრაობას ვერ განტვირთავდა, დედაქალაქში ყველაზე ცხელ ავტოსატრანსპორტო წერტილადაც კი იქცეოდა. თუმცა, რაღა წერტილი! წამში გასავლელი გზის გავლას ნახევარ საათზე მეტხანს ანდომებ, მეტიც გამოსავალსაც ვერ პოულობ, არ იცი, სხვა დროს როგორ გაიარო ვაგზლის მოედნისა და გმირთა მოედნის დამაკავშირებელი გზა ისე, რომ კვლავ ჯოჯოხეთში არ მოხვდე.

თავის დროზე გმირთა მოედნის რეკონსტრუქცია მხოლოდ იდეის საფუძველზე დაიწყო და მშენებლობის სქემის შედგენამდე საექსპერტო სამუშაოები არც ჩატარებულა. საბოლოო გადაწყვეტილება კი მიიღო არა დამოუკიდებელ ექსპერტთა კომისიამ, არამედ ჩინოსანთა ან მათზე სხვადასხვა მიზეზით დამოკიდებულ სპეციალისტთა პატარა ჯგუფმა. პროექტსაც გზადაგზა ადგენდნენ და ექსპერტიზასაც მშენებლობის პროცესში ატარებდნენ. ამიტომაც ვერ გათვალეს, რამდენი ავტომობილი გადაადგილდებოდა თამარ მეფის გამზირისა და გმირთა მოედნის შემაერთებელ მონაკვეთზე და ერთზოლიანი პანდუსებით კიდევ უფრო დაამძიმეს მდგომარეობა. მათი ვიწროგამტარიანობა პრობლემებს ქმნის კოსტავას ქუჩიდან ვარაზისხევისკენ მიმავალ მონაკვეთზეც, სადაც ხშირად ფერხდება მოძრაობა. დამკვეთ-მშენებლები გვიან მიხვდნენ შეცდომას და ვერის დაღმართისა და თამარ მეფის გამზირის შემაერთებელი, ასევე, გმირთა მოედნისა და სანაპიროს დამაკავშირებელი პანდუსები ორი სამანქანო ზოლისთვის ააშენეს, რამაც პრობლემებს მაინც ვერაფერი უშველა...

Auto Bildთავის დროზე ("კვირის პალიტრის" ფურცლებზე) ექსპერტები გამოსავლად ერთზოლიანი პანდუსების ტროტუარების ხარჯზე გაფართოებას მიიჩნევდნენ. განიერი საფეხმავლო ადგილის მოშლით შესაძლებელი იქნება, ორმა მანქანამ გვერდი თავისუფლად აუაროს ერთმანეთს, რაც საცობებს თუ არ გააქრობს, შეამცირებს მაინც და საგზაო კოშმარიც დასრულდება. პანდუსების მონგრევის იდეა ახლახან ისევ გახმიანდა ჟურნალ "AUTO BILD-ში".

ექსპერტი რობერტ იანტბელიძე მიიჩნევს, რომ მსოფლიოში ასეთ სისულელეს - ერთზოლიან პანდუსებს - არსად აკეთებენ:

- მანქანა მეორე სართულზე ადის და გათვალისწინებული არ არის, მოულოდნელად გაფუჭების შემთხვევაში გვერდზე როგორ უნდა გადააყენო, რომ მოძრაობა არ შეაფერხო. შეიძლება მეორე სართულზე სათადარიგო სამოძრაო ზოლი არ დაუტოვო ტრანსპორტს?
ეს სისულელე იმის შედეგია, რომ ასეთ საკითხებს წყვეტენ მერიის კეთილმოწყობისა და სატრანსპორტო სამსახურების უფროსები, ანუ ის ადამიანები, ვისაც, ალბათ, ტექნიკური უნივერსიტეტიც კი არ აქვთ დამთავრებული და ნახაზის შედგენაც არ იციან.

მანიპულირებენ ვიზუალური ეფექტებით - თითქოს რაც მეტ პანდუსს და გვირაბს დახატავენ ან ახსენებენ, მით მეტად დაახვევენ თავბრუს ხალხს. სად არის გათვლა - რა დატვირთვას და რამდენი ხნით გაუძლებდა ეს ერთზოლიანი გვირაბები და პანდუსები?

საქართველოს საავტომობილო ფედერაციის პრეზიდენტ შალვა ოგბაიძის აზრით, უპრიანი იქნება ტროტუარების მოხსნა:

- ვერ ვხვდები, რა ფუნქცია აქვს ამ საფეხმავლო ბილიკებს. არ ვიცი, თამარ მეფის გამზირიდან მომავალი ქვეითი ფეხით როგორ უნდა გადავიდეს (ან რა საჭიროა, რომ გადავიდეს) ვარაზისხევისკენ მაშინ, როცა არსებობს მიწისქვეშა გადასასვლელი. არ სჯობდა, მერიას ეს გადასასვლელი კეთილმოეწყო და არ გაეკეთებინა ავტოსატრანსპორტო გზის გამმიჯვნელი მოაჯირი, რომელსაც არავინ იყენებს და მანქანების ორ რიგად გატარებასაც უშლის ხელს?!

კოტე მჭედლიშვილი, საგზაო ექსპერტი: - უკვე დავსვით საკითხი, რომ მოინგრეს ეს მოაჯირები და გზა ცოტათი მაინც გაფართოვდეს.

ექსპერტების კრიტიკას ნაწილობრივ ეთანხმება და დაშვებულ შეცდომებს აღიარებს თბილისის სატრანსპორტო სამსახურის უფროსი აკაკი ჯოხაძე, თუმცა მიიჩნევს, რომ ეს პრობლემა სწრაფად ვერ მოგვარდება და ერთი ხელის მოსმით, ანუ მოაჯირების მონგრევით კოშმარს ვერ დავასრულებთ.

- ნამდვილად ჯობდა ორზოლიანი ესტაკადა, მაგრამ თამარ მეფის გამზირიდან გმირთა მოედანზე შემოსასვლელად გზა არ დარჩებოდა. ეს ესტაკადა 15 სანტიმეტრითაც განიერი რომ იყოს, თამარ მეფის გამზირიდან მომავალი ავტომობილი გმირთა მოედანზე ვერ შევა. გეთანხმებით, რომ შესაძლებელი იყო საფეხმავლო ბილიკის ნაცვლად გზა გაფართოებულიყო, მაგრამ სამშენებლო ნორმების შესაბამისად აუცილებელი იყო ესტაკადაზე ტროტუარის გაკეთება, - განაცხადა აკაკი ჯოხაძემ.

ძნელი სათქმელია, რამდენ ხანს დატოვებს თბილისის მერია მძღოლებს ამ კოშმარში. აქ გავლა უკვე არა მხოლოდ პიკის საათებში, არამედ მთელი დღის განმავლობაში ჭირს. ახალ გზაზე უამრავი მანქანა ადის.

რადგან მოძრაობის გაგრძელების საშუალება მხოლოდ თითო ავტომობილს აქვს, ხშირად იქმნება გრძელი საცობი. პატარა ავტომობილები ხანდახან ორ რიგად ასვლასაც ახერხებენ, მაგრამ გზის სივიწროვის გამო მძღოლები იშვიათად რისკავენ. ღმერთმა ნუ ქნას, რომ რომელიმე მწკრივში სწორედ ამ დროს გაფუჭდეს ავტომობილი - ავტომობილის გადაყვანას ამწე დასჭირდება, მანამდე კი, სანამ სამაშველო ოპერაცია დასრულდება, გმირთა მოედანსა და თამარ მეფის გამზირის მიმდებარე ტერიტორიაზე რა ამბავი დატრიალდება, წარმოიდგინოს თვითონ მკითხველმა...
ეკა ლომიძე, გაზეთი "კვირის პალიტრა"
facebook twitter twitter
ელფოსტა ბეჭდვა
ტესტები
მრჩეველი
რეპორტაჟი
ავტოსპორტი
ტექნოლოგიები
article image
სუპერსპორტული 80 ცხენის ძალით
2014-07-01 10:49:46
80 ცხენის ძალით მცირელიტრაჟიანების მფლობელებიც უკმაყოფილონი არიან ხოლმე, Caterham-ში კი ასეთი სიმძლავრე ხმაურისთვის სავსებით საკმარისია
სრულად
article image
Cat Image
2014-06-30 13:35:59
ვინ თქვა, რომ ”ჯიპი” მაინცდამაინც კუთხოვანი და უხეში უნდა იყოს? ახალი ”ჩეროკი” საპირისპიროს ამტკიცებს: მას სირბილეც მოუხდა
article image
Cat Image
ეკონომიური მაზერატი
2014-06-26 08:43:12
როგორია MASERATI QUATTROPORTE დიზელის ძრავით?
სრულად
ფოტოები, რომლის გამო რუს წამყვანს მილიონებს სთხოვდენ (+3 PHOTO)
ავარია, ტანკი, დაკუწმაწებული მანქანები - როგორ იღებდნენ "ფორსაჟი 6"-ს (+VIDEO)
"პუტინ, ხუილო!" სტადიონზე 60 ათასი ფანის შესრულებით - "შპარგალკა" ქართველ გულშემატკივრებს (+VIDEO)
დინამო-დნიპრო 1:2 - დასანანი მარცხი [VIDEO]
რუსი მღვდელი: მუნდიალია თუ ჰომოსექსუალური სირცხვილი?
ბრაზილიელი ჯადოქარი გერმანიის ნაკრების დაწყევლას აპირებს
სხვა სიახლეები
07.07.2014
”1000 კილომეტრი საქართველოში” - სწორედ ასე ჰქვია ახალ რუბრიკას, რომლის პრემიერა ჟურნალ ”AUTO BILD საქართველოს” აგვისტოს ნომერში შედგება.
სრულად
30.06.2014
შსს-ს მომსახურების სააგენტომ სატრანსპორტო საშუალებათა ახალი დიზაინის სანომრე ნიშნების საფასური განსაზღვრა და შესაბამისი საკანონმდებლო წინადადებით პარლამენტს მიმართა.
სრულად
მერობის კანდიდატების მანქანები და ჯარიმები
09.06.2014
ადგილობრივი თვითმართველობის არჩევნების მოახლოვებასთან დაკავშირებით, ”AUTO BILD საქართველო” თბილისის მერობის კანდიდატების ავტომობილებით დაინტერესდა.
სრულად
”ტავ უბრან ჯორჯიას” თბილისის აეროპორტის მართვა 10 წლით შეუმცირდა
გირაოს ფასი ბინის გასაყიდ ღირებულებას გაუტოლდა
ჭირნახულის დაზღვევა ჩვენს ფერმერებსაც ეღირსებათ?!
N58 ივლისი 2014
ახალი ნომერი
თბილისი 25°
img
სხვა ქალაქები
ფრენის განრიგი
მატარებლის განრიგი
IMG
აფიშა
ჰოროსკოპი
TV პროგრამა
ვალუტა
Mercedess E320
Mercedes E320
Mercedes CLK240
Mercedes C240