რა შეიძლება მოხდეს, როდესაც მანქანის მართვის დროს მობილურ ტელეფონს 2 წამით დახედავ (+ VIDEO)
რა შეიძლება მოხდეს, როდესაც მანქანის მართვის დროს მობილურ ტელეფონს 2 წამით დახედავ (+ VIDEO)
21.03.2016
SMS, WhatsApp, Facebook: საჭესთან ტექსტების კრეფა უკვე მთელ მსოფლიოში მოდებული, სასიკვდილო სენია

ფოტო, რომელსაც ხედავთ, ნამდვილი ბოლოთქმაა. ბოლოთქმა პირდაპირი გაგებით, ტრაგიკული დასასრულით. სიცოცხლის დასასრულით! ოღონდ, არა ნათქვამი, არამედ დაწერილი, უფრო სწორად, აკრეფილი სიტყვებით.

მობილურ ტელეფონში ვკითხულობთ დაწყებულ, მაგრამ დაუმთავრებელ ტექსტურ შეტყობინებას. ავტორმა ეს მესიჯი იმის გამო ვერ დაამთავრა, რომ მისი ავტომობილი ყოველგვარი დამუხრუჭების გარეშე შეეჯახა შემხვედრ ავტომობილს. ავტორი დაიღუპა! დარჩა მობილური ტელეფონი დაუმთავრებელი მესიჯით, რომლის შინაარსი ასეთია: ”ჰეი, ცოტა დამაგვიანდა. გზაში ვარ. დრ...”



ავარია რომ არ მომხდარიყო, 24 წლის გოგონა ამ მესიჯს სავარაუდოდ ასე დაამთავრებდა: ”...დროებით, ჯესიკა.” ან ”დროებით, შენი ჯესიკა.” ან ”დროებით. გკოცნი. ჯესიკა.”

ეჭვგარეშეა, რომ ავარიის მიზეზი სწორედ ეს დაუმთავრებელი ტექსტური შეტყობინებაა. კიოლნის პოლიციამ მობილური ტელეფონი დაღუპული ჯესიკას კალთაში იპოვნა.

22 SMS 20 კილომეტრზე

ცოტა ხნის წინ ავსტრალიაში 21 წლის კიმბერლი დევისი თავისი ავტომობილით ველოსიპედისტს დაეჯახა - ეს უკანასკნელი კი გადარჩა, მაგრამ მძიმედ დაშავდა. ავარიის შემდეგ კიმბერლი პოლიციას უმტკიცებდა, მობილური ტელეფონი არაფერ შუაშიაო, გზაზე დამონტაჟებულმა ვიდეო-კამერებმა კი დააფიქსირეს, რომ დაჯახების მომენტში კიმბერლი მობილურ ტელეფონზე SMS-ს კრეფდა. უფრო მეტიც: მისი ტელეფონისა და ნომრის შემოწმებამ ცხადყო, რომ სამსახურიდან წამოსვლის შემდეგ კიმბერლიმ 20 კილომეტრი გაიარა და ამ ხნის განმავლობაში 7 სხვადასხვა ნაცნობს 22 ტექსტური შეტყობინება გაუგზავნა და ამდენივე მიიღო და წაიკითხა.

გერმანიაში, კერძოდ კი ნორდ-რაინ-ვესტფალენის მხარეში 21 წლის გოგონა ავარიაში მას მერე დაიღუპა, რაც WhatsApp-ის შეტყობინება წაიკითხა.

გერმანელი ექსპერტები ამტკიცებენ, რომ საჭესთან მოკლე ტექსტური შეტყობინებებით კომუნიკაცია უკვე საყოველთაო, სახალხო სენია. სადაზღვევო კომპანია ”ალიანცის” მიერ ჩატარებული კვლევის თანახმად, მძღოლების 30 პროცენტმა საჭესთან SMS-ების კითხვა აღიარა, 20 პროცენტი კი გამოტყდა, რომ ავტომობილის მართვის დროს ტექსტებს კრეფს.

”ეს ძალიან საშიში ტენდენციაა,” - აცხადებს გერმანიის საგზაო უსაფრთხოების გაერთიანების ერთ-ერთი ხელმძღვანელი სვენ რადემახერი და დასძენს: ”ავტომობილის მართვის დროს მობილურ ტელეფონზე ტექსტების კრეფა გაცილებით საშიშია, ვიდრე ტელეფონით ლაპარაკი, რადგან ტექსტის აკრეფის დროს გზას საერთოდ აღარ უყურებ.”

თუ ავტომობილის სისწრაფე 100 კმ/სთ-ია და მძღოლი ამ დროს მობილურ ტელეფონს თუნდაც მხოლოდ ორი წამით დახედავს, გამოდის, რომ 50 მეტრს ბრმად გაივლის!

რა საჭიროა კვლევა და სტატისტიკა?

ბერლინელი პოლიციელის, კრისტიან ბურკჰარდტის თქმით, ავარიის შემდეგ ძალიან რთულია იმის დადგენა, კრეფდა თუ არა მძღოლი ტექსტურ შეტყობინებას. 2013 წელს ბერლინში მომხდარი ავარიების მხოლოდ 35 შემთხვევაში არსებობდა ეჭვი, რომ მომხდარი SMS-ს წერდა ან კითხულობდა. მაგრამ ბურკჰარდტი დარწმუნებულია, რომ ტექსტური შეტყობინებების კრეფით ან კითხვით გამოწვეული ავარიების რაოდენობა გაცილებით მაღალია.

ამ თემაზე კვლევის ჩატარება საქართველოშიც საინტერესო იქნებოდა, მაგრამ როგორც უკვე ითქვა, თუ თვითონ მძღოლმა არ აღიარა, ავარიის შემდეგ ძალიან ძნელია იმის დადასტურება, რომ უბედური შემთხვევა ტელეფონზე შეტყობინების წერის ან კითხვის გამო მოხდა. თუმცა, რეალურად კვლევა და სტატისტიკა საერთოდ არ უნდა ჭირდებოდეს იმის შეგნებას, რომ ავტომობილის მართვის დროს მძღოლმა SMS არ უნდა წაიკითხოს და, მით უმეტეს, არ უნდა აკრიფოს.

იხილეთ ვიდეო:
რა შეიძლება მოხდეს, როცა ავტომობილის მართვის დროს
მობილურ ტელეფონს თუნდაც მხოლოდ 2 წამით დახედავ

facebook twitter twitter
ელფოსტა ბეჭდვა
article image
ოქროსფერი BMW M2 630 ცხენით!
2016-07-28 13:15:11
ბევრი იფიქრეს, თუ ცოტა, Manhart-ის ტიუნერებმა გადაწყვიტეს, BMW M2-ზე წაემუშავათ.
სრულად
Cat Image
აუდი, როგორც მერსედესი... (+ VIDEO)
2016-07-26 05:21:25
”აუდის” ახალმა კუპემ ისეთი დეტალებით გაგვაოცა, აქამდე მერსედესისგან რომ ვიცოდით...
სრულად
Cat Image
ახალი Mercedes C-კაბრიო: ღიაა ყველაფრისთვის, მაგრამ არა ყველასათვის...
2016-07-18 10:25:08
”მერსედესმა” საზაფხულოდ C-კლასი გაჭრა და ამ ოპერაციის სანაცვლოდ საკმაოდ ბევრ ფულს ითხოვს. AUTO BILD-მა C-კაბრიოლეტით გასეირნა
სრულად
როგორ უნდა შეარჩიოთ გასაბერი ან ასაწყობი აუზი – აუცილებელი წესები
რუსულ პრესაში შაქრო კალაშოვის სკანდალური ბინის ფოტოები გამოჩნდა
პრეზიდენტ ერდოღანის საოცარი სასახლე, 185 მილიონი დოლარი და შოპინგზე მანიაკალურად შეყვარებული ცოლი (+ფოტოები)
იყიდება კერძო სახლი დიდ დიღომში
იყიდება კერძო სახლი დიდ დიღომში
იყიდება აგარაკი საგურამოში
იყიდება კერძო სახლი ჩუღურეთში
ქართველი სპორტსმენები სოც-ქსელებში: დასვენება, ოლიმპიადა, Tbilisi Open Air...
"ზაგრების" სპორტული დირექტორი: თბილისში გოლის გასატანად ჩავდივართ
სხვა სიახლეები
სასტიკი ავარია: 1750-ცხენიანი შევროლე კამარო, 320 კმ/სთ (+ VIDEO)
29.07.2016
კალიფორნიის აეროდრომზე სასტიკი ავარია მოხდა - არა თვითმფრინავით, არამედ უძლიერესი ”შევროლე კამაროთი”, რომლის სიმძლავრე 1750 ცხენის ძალაა.
სრულად
შუმახერის შვილმა მამისთვის გაიტანა!
29.07.2016
გერმანიის გრანპრის წინ, რომელიც უახლოეს უქმეებზე გაიმართება, ქალაქ მაინცში, მიხაელ შუმახერის პატივსაცემად, საქველმოქმედო საფეხბურთო მატჩი გაიმართა.
სრულად
ოქროსფერი BMW M2 630 ცხენით!
28.07.2016
ბევრი იფიქრეს, თუ ცოტა, Manhart-ის ტიუნერებმა გადაწყვიტეს, BMW M2-ზე წაემუშავათ.
სრულად
როგორ დავზოგოთ კომუნალური გადასახადები?
Apple-მა ფოტო/ვიდეო გადაღების ამკრძალავი ტექნოლოგია დააპატენტა
რას ნიშნავს მსოფლიო ვალუტების სახელწოდებები
N80 ივლისი 2016
ახალი ნომერი
არქივი
ფრენის განრიგი
მატარებლის განრიგი
IMG
აფიშა
ჰოროსკოპი
TV პროგრამა
ვალუტა
იყიდება ორთქლის ქვაბი ფასი შეთანხმებით.
Mercedes-Benz C 180 2500 $
Mitsubishi Pajero IO 3050 $
Nissan Rogue 9000 $