ამერიკის ყველაზე საშიშ უბანში...
ამერიკის ყველაზე საშიშ უბანში...
06.04.2015
ნახევარი საუკუნე სიცარიელეში - პაკარდის ქარხნის ნანგრევები დეტროიტში

დეტროიტის ავტოშოუ გრანდიოზული რამ არის, მაგრამ იქვე ახლოს ერთ დროს მდიდრული ავტომობილების მწარმოებლის, ”პაკარდის” ქარხანა მდებარეობს, რომელიც ნახევარი საუკუნის წინ მიატოვეს

თუ აქ საღამოს მოხვდი, მეთვალყურის გარეშე, მხოლოდ ფოტოგრაფთან ერთად, მიხვდები, რა არის ნამდვილი ჰორორი. თავი საშინელებათა ჟანრის ფილმში გეგონება. სახურავიდან წყალი ისეთი პერიოდულობით წვეთავს, მარტო ამის ხმა დაგაწყვეტს ნერვებს. ქარი ისე დაქრის, ალაგ-ალაგ ამოვარდნილი ხის იატაკის ჭრაჭუნის, ჭრიალის, წრიპინის და ზუილის ხმა პირდაპირ ტვინში გირტყამს. ამ დროს შენს უკან, გაუბედურებულ კიბეზე კოკა-კოლას ქილა ჩამოგორდება, გესმის, როგორ მოხტის საფეხურებზე, თვალებს დახუჭავ და ლოცულობ, ამ კიბეს ბევრი საფეხური არ ჰქონდეს. ქილა ოდესმე გაჩერდება და ფიქრობ, რა ბედნიერებაა, ეს ყველაფერი მხოლოდ და მხოლოდ ქარის ბრალი რომ იყო, მაგრამ ქილა მოგზაურობას აგრძელებს. ისევ ის ხმა. ისევ ნერვების წყვეტა.

Auto Bild
კიბე , რომელიც იმ შენობაშია, სადაც ”პაკარდის” ბოსების კაბინეტები იყო

წინ მოზრდილი ოთახია. ერთ დროს აქ საშხაპე იყო. ზემოთ რამდენიმე დაჟანგული მილია, კაბელები აქეთ-იქით ქანაობენ, იატაკზე კი ვაზნები ყრია.

6540, ისტ პალმერ ავენიუ, დეტროიტი, აშშ. ერთი ჩვეულებრივი მისამართივით ჟღერს, არა? ეს ადგილი მხოლოდ 9 კილომეტრშია იმ გრანდიოზული დარბაზიდან, სადაც ჩრდილოეთ ამერიკის ავტოშოუ ტარდება. ჰო, ჩვეულებრივი მისამართივით ჟღერს, მაგრამ სინამდვილეში ჯოჯოხეთის მისამართია.

ჩვენ ახლა აშშ-ის ყველაზე საშიში ქალაქის ყველაზე საშიშ უბანში ვიმყოფებით. დეტროიტში უფრო ცოტა ადამიანი ცხოვრობს, ვიდრე მაგალითად კიოლნში, მაგრამ დეტროირში ხუთჯერ მეტი მკვლელობა ხდება, ვიდრე მთელ გერმანიაში!

69 წლის ალან ჰილი ძალადობის, ნარკოტიკებისა და უიმედობის სწორედ ამ კოშმარულ სიზმარში ცხოვრობს. ალანის საცხოვრებელი ადგილი ”პაკარდის” ქარხანაა. უფრო სწორად, მისი ნანგრევები.

Auto Bild
ალან ჰილს ცხოვრება წაუხდა და მას მერე ქარხნის ნანგრევებში ცხოვრობს

ვინც არ იცის, მათთვის უნდა ვთქვათ: ”პაკარდი” მე-20 საუკუნის 20-იან წლებში ყველაზე მდიდრული ამერიკული ავტომწარმოებელი გახლდათ და აშშ-ში დიდხანს იყო დომინანტი. ”პაკარდი” ამერიკაში ”კადილაკზე” და ერთად აღებულ ყველა სხვა კონკურენტზე მეტ ავტომობილს ყიდდა. ქარხნიდან, რომელიც გერმანიაში დაბადებულმა არქიტექტორმა ალბერ კანმა 1903 წელს ააშენა, ისეთი ძვირფასი მოდელები იწარმოებოდა, როგორებიც იყო Packard Six ან Packard Eight.

მეორე მსოფლიო ომის შემდეგ კომპანიის მენეჯმენტმა აქცენტი საშუალო კლასის ავტომობილების წარმოებაზე გააკეთა, რის შემდეგაც ”პაკარდს” უმძიმესი კრიზისი დაეწყო, შეფებმა კი მიიღეს ფატალური გადაწყვეტილება და ასევე უმძიმეს კრიზისში მყოფ ავტომწარმოებელ Studebaker-თან გაერთიანდნენ. 83 წლის როს მერფი ერთ-ერთი უკანასკნელი ადამიანია, ვინც ”პაკარდში” მუშაობდა და ვინც ”პაკარდის” დაცემას მოესწრო: ”მაშინ საუკეთესო თანამშრომლები გაგვექცნენ. ძირითადად ”კრაისლერში” ან ”ფორდში” გადადიოდნენ. ”პაკარდში” კი ბევრი ისეთი თანამშრომელი დარჩა, ვინც არ იცოდა, რა უნდა ეკეთებინა,” - იხსენებს მერფი.

Auto Bild
დეტროიტის დაცემის სიმბოლო: ”პაკარდის” ქარხანა ნახევარი საუკუნეა მიტოვებულია

ისტ პალმერ ავენიუზე, ამ ქარხნიდან უკანასკნელი ავტომობილი 1954 წელს გამოგორდა. დანარჩენი ”პაკარდები”, რომლებიც 1958 წლამდე გამოვიდა, 10 კილომეტრის მოშორებით მდებარე კონერ ავენიუზე და Studebaker-ის ქარხანაში, ინდიანაში იწარმოებოდა.

ყოფილი მეთუნუქე ალან ჰილი ”პაკარდის” ქარხნის ნანგრევებში შვიდი წლის წინ დასახლდა. ამი მიზეზი, რა თქმა უნდა, ის იყო, რომ მისი ცხოვრება უკან-უკან წავიდა, რის გამოც დალევა დაიწყო და, როგორც ხშირად ხდება ხოლმე, ყველაფერი დაკარგა. ამბობს, დალევა იმიტომ დავიწყე, რომ ვეღარ ვიტანდი იმ ცხოვრებას, რომელიც ახლა ნორმალურად მიიჩნევაო. ”დღე და ღამე მუშაობა იმისათვის, რომ რაღაცები იყიდო და მეზობლებს არ ჩამორჩე - ეს ყველაფერი აღარ მინდოდა!” - ამბობს ალანი.

სახლი, რომელიც შეიძინა, იმის გამო დაატოვებინეს, რომ გაირკვა: სულაც არ ეკუთვნოდა იმას, ვისგანაც შეიძინა. სწორედ ამის შემდეგ მოაგროვა თავისი ბარგი-ბარხანა და ყოფილი ქარხნის ტერიტორიაზე გადასახლდა - ქარხნისა, სადაც ახალგაზრდობის საუკეთესო წლები აქვს გატარებული. მისი ”ოთახის” გვერდით ის დარბაზია, სადაც ადრე ავტომატურ გადაცემათა კოლოფებს აწარმოებდნენ, წინ კი ნანგრევები, სადაც ერთ დროს ავტომობილები ბოლო შემოწმებას გადიოდნენ.

Auto Bild
ერთადერთი და უკანასკნელი მუშა: ჰაროლდ ჯონსი თავის სამუშაო ადგილზე

ალანის საცხოვრებელი ადგილის გარშემო ისეთი ნაგავი ყრია, ნაგავსაც რომ ვეღარ უწოდებს კაცი. აქაურობა მაწანწალა ძაღლების თავშესაფარიცაა, ყველაფერი ყარს. შუაში დგას Dodge-ის პიკაპი, ძველი ”ფორდი”, ერთი ჯაბახანა სატვირთო ავტომობილი. უსისტემოდაა მიმოფანტული ვედროები, კაბელები, ბოთლები, საბურავები. აქვე ნახავთ პირველი თაობის ვერცხლისფერ BMW 530i-ს. საბარგული ღიაა, კაპოტიც, სახურავი განადგურებულია, მაგრამ ამ მანქანისგან რაღაც მაინც გამოვა. მოგვიანებით შევაკეთებო, მეუბნება ალანი და იმის პორობასაც დებს, რომ აქაურობას დაალაგებს. ”არაფრის გადაგდება არ შემიძლია, მაგრამ იმდენს კი ვხვდები, რომ ეს აუცილებელია და რაღაც-რაღაცებს უნდა მივხედოთ,” - დასძენს ის.

Auto Bild
Streets of Detroit: ეს ხიდი ერთ დროს მსუბუქი და სატვირთო ავტომობილების ქარხნებს აკავშირებდა

ერთ დღესაც ალან ჰილმა გაიღვიძა და თავის ”სამფლობელოში” ვიღაც კაცი შენიშნა. თავიდან ქურდი, ან მასსავით უსახლკარო ტიპი ეგონა, მაგრამ სტუმარი პასტორი აღმოჩნდა: ”როგორც ყოველთვის, იმ დილასაც ნაბახუსევი გახლდით და თავი მისკდებოდა. ამ პასტორმა დაიწყო ათასი ამბის მოყოლა, ავტომობილებზე და მოტოციკლებზე მელაპარაკებოდა, ბოლოს კი მკითხა, ქრისტეს მესიად აღიარებ, თუ არაო. ჰო-მეთქი და ეს რომ ვთქვი, თავის ტკივილმა მაშინვე გამიარა!”

მას მერე ალანი ცოტა სხვანაირად ფიქრობს და ცხოვრობს. ყოველ კვირას დღეს, დილის 6 საათზე ავტობუსით ეკლესიაში დადის, ყოველ დღე ერთ მათხოვარს მაინც ჩუქნის ერთ დოლარს და ეუბნება, ”გახსოვდეს იესო”.

Auto Bild


ჯონ მაკარტურიც მოვიდა. ეს კაცი ანტიკვარული ავტომობილის გაერთიანება Packard Motor Foundation-ის წარმომადგენელია და აქ ბოლოს ორიოდე წლის წინ იყო. ”მაშინ აქაურობა ჯერ კიდევ არ იყო ასე განადგურებული, - იხსენებს ჯონი, - და ზედა პენტჰაუსიც არ იყო ჩამონგრეული. ყველაფერი ჯართის მაძიებლებმა წაიღეს და შენობებს სტაბილურობა დაუკარგეს. დღეს ალბათ უკვე პატარა ბიძგებიც საკმარისია, რომ აქაურობა მთლიანად ნანგრევებად იქცეს.”

და მიუხედავად იმ ყველაფრისა, რაც ზემოთ წაიკითხეთ, აქ რაღაც-რაღაცები მაინც კეთდება. ასე ვთქვათ, მუშა პროცესიც მიდის. რა თქმა უნდა, არა ღამით - დაღამების შემდეგ უშიშარი ალან ჰილიც კი იკეტება, მაგრამ დღისით აქ ერთი კაცი შრომობს. ეს გახლავთ ალანის ძმაკაცი, 53 წლის ჰაროლდ ჯონსი აქ ავტომობილის ნაწილებს ღებავს. დარბაზის შუაგულში კი ჩამოკიდებულია ტრანსფარანტი წარწერით ”ჩვენ ვამაყობთ ჩვენი დაპირებით, რომ მუდმივად უნდა გავაუმჯობესოთ მომსახურების ხარისხი.” ახლა წარმოიდგინეთ, რა იქნებოდა აქ და ახლა ამაზე აფსურდული?

Auto Bild
Packard Motor Car Foundation-ის წარმომადგენლები: ჯონ მაკარტური (მარცხნივ) და მისი მეგობარი კიტ დრომოვიჩი

35 წელია, რაც ჰაროლდი ამ საქმეს აკეთებს. უმეტესად მარტო მუშაობს და ჯერ კიდევ კარგად ახსოვს, როგორ იყო ყველაფერი ძველ, კარგ დროში: ”მე სწორედ აქ გავიზარდე. ერთ დროს ეს აბსოლუტურად ჩვეულებრივი უბანი იყო. დღეს კი ყველაფერი გართულდა და ვეღარ ვახერხებთ კრიმინალების შეჩერებას. თითქმის ყოველ ღამე იპარავენ დენის კაბელებს!” - ჰაროლდი დილაობით აქ იარაღით მოდის ხოლმე და იმედი აქვს, რომ ოდესმე სადმე სხვაგან გადავა...

...ან ოდესმე ”პაკარდის” ძველ ქარხანას ვინმე მიხედავს. დიდი გეგმების შესახებ აქაურებს ბევრი მოუსმენიათ, ბევრი ენაგრძელი ბიზნესმენიც უნახავთ. ერთ-ერთი მათგანი ჩიკაგოელი ბილ ჰალტსია - სამი დღის წვერით, Ralph Lauren-ის პერანგითა და სათვალის მიღმა ისეთი გამომეტყველებით, ყველაფერს რომ დაუჯერებ და მიენდობი. ჰალტსი ჭკვიანი ტიპი ჩანს და ამას წინათ თქვა, ”პაკარდის” ქარხნის ტერიტორიას შევიძენ და აქაურობას ახალ, ძალიან მაგარ უბნად გადავაქცევო. ისიც თქვა, ამ პროცესს ათი წელი მაინც დასჭირდება და ამ ყველაფერში 1,2 მილიარდი უნდა დავხარჯოო.

Auto Bild
ამ მიტოვებულ შენობაში ბუნებამ თავისი გაიტანა

Auto Bildმაგრამ ჰალტსმა, როგორც ეს ხშირად ხდება ხოლმე, საჭირო თანხას ”ასე მალე ვერ მოუყარა თავი” და ეს ტერიტორიაც ესპანელმა ინვესტორმა, 59 წლის ფერნანდო პალასუელამ შეძინა. ფირმა Arte Express-ის შეფმა თქვა, ”პაკარდის ქარხნის” მეშვეობით დეტროიტის აღმოსავლეთ ნაწილში უამრავ სამუშაო ადგილს შევქმნი და ამ უბანს გავაცოცხლებო. თავისი უამრავი წინამორბედისგან განსხვავებით, ფერნანდომ დაიწყო მაინც და ერთი ხანობა ოფიციალურმა მუშებმა ნაგვის და ნანგრევების ერთ ადგილზე მოგროვება დაიწყეს. ”მას მერე აქაურობა ისე გამოიყურება, თითქოს ეს-ესაა უნდა შემოღობონ და სერიოზულ მუშაობას შეუდგნენ,” - ამბობს ჯონ მაკარტური.

თუკი ოდესმე ასეც მოხდება, ცხადია, რომ ალან ჰილი საცხოვრებელ ადგილს დაკარგავს. მართალია, ალანი მაინცდამაინც იმ ადგილზე არ ცხოვრობს, რომელიც ფერნანდო პალასუელამ შეიძინა, მაგრამ უძრავი ქონების გაყიდვის ვებ-გვერდზე ”მისი” დარბაზიც იყიდება - 370 000 დოლარად. ალანს რომ ჰკითხოთ, რას ფიქრობს ამ ორომტრიალის შესახებ, თავის თეთრ წვერზე მარჯვენა ხელს მოისვამს და ჩაეღიმება. ალანმა არა მარტო ზედმეტად ბევრი რამ ნახა იმისათვის, რომ რამის შეეშინდეს, არამედ ზედმეტად ბევრიც მოისმინა საიმისოდ, რამის სჯეროდეს. ღმერთს ეს არ ეხება, რა თქმა უნდა.
ალექს ქორსი

Auto Bild
აი, ასეთი უნდა გახდეს ”პაკარდის” ქარხანა, მაგრამ გახდება კი?..
ეს უნდა იყოს საცხოვრებელი და ბიზნეს-ოფისების ნაზავი თავისი პარკინგით პირველ ორ სართულზე. აი, ასე წარმოუდგენიათ Nadau Lavergne-ს არქიტექტორებს ”პაკარდის” ქარხნის მომავალი. თუმცა ხედვები და გეგმები აქამდეც ბევრს ჰქონდა. კიდევ რამდენ ხანს იქნება ეს ადგილი ასეთ მდგომარეობაში? ამ კითხვაზე პასუხს მხოლოდ დრო გაგვცემს.


Auto Bild
”პაკარდის” ავტომობილები
Six (1926) - Single Six-ის შემცვლელი, მესამე სერია 6-ცილინდრიანი ძრავით;
One-Twenty (1941) - მაღალი კლასის ავტომობილი 8-ცილინდრიანი ძრავით უაღრესად წარმატებული მოდელი იყო
Deluxe Eight Cabrio (1942) - ერთ-ერთი უკანასკნელი, ომის დამთავრებამდე წარმოებული უიშვიათესი მოდელი
Caribbean (1953) - მდიდრული კაბრიოლეტი, რომელსაც ეს მარკა უნდა გადაერჩინა


Auto Bild
Clipper Super (1955) - საშუალო კლასის ავტომობილი 5,2-ლიტრიანი V8 ძრავით

ასევე დაგაინტერესებთ:

BMW-ს ელექტრომობილით გერმანიიდან საქართველოში
Auto Bild

facebook twitter twitter
ელფოსტა ბეჭდვა
article image
1-ოთახიან "ხრუშჩოვკას" ჯობია - საოჯახო მანქანა ფოლკსვაგენისგან
2017-08-29 07:05:46
კემპერების გამოფენაზე, რომელიც დიუსელდორფში გაიმართა, ”ფოლკსვაგენმა” ახალი სტუდიური მოდელი VW California XXL წარმოადგინა.
სრულად
article image
Cat Image
ყურადღებით, AMG! ახალი M5 შეტევას იწყებს!
2017-08-22 11:00:09
ინოვაცია BMW-ში: ახალი M5 სრული ამძრავით! ბავარიელთა მძლავრი სედანის მეექვსე თაობას 600 ცხენის ძალა და 750 ნმ აქვს. AUTO BILD მას ახლოს გაგაცნობთ.
სრულად
article image
Cat Image
მაიბახის კაბრიოლეტი 750 ცხენის ძალით
2017-08-21 08:49:05
მერსედეს-მაიბახმა პებლ ბიჩზე თითქმის 6-მეტრიანი მდიდრული კაბრიოლეტი წარმოადგინა
სრულად
ქართველი მხატვრის მიერ შექმნილი უნიკალური ჭადრაკი ოქროთი და ალმასებით
"მიხარია, ბავშვებისგან რომ მესმის, ზურა პაპას პაღში მივდივართო" – კაცი, რომელმაც გლდანში საოცარი სკვერი მოაწყო
ქართველი ქალბატონის ულამაზესი ბაღი ინგლისში დედოფლის სასახლის მახლობლად
უძრავი ქონება
უძრავი ქონება
110400
იყიდება 4 ოთახიანი ბინა სანზონაში
44400
იყიდება 2 ოთახიანი ბინა სანზონაში
1204
ქირავდება 3 ოთახიანი ბინა საბურთალოზე
სავარაუდო ტრანსფერი: წავა გურამ კაშია "ვიტესიდან" პრაღის "სპარტაში"?
შეხვედრა ამერიკაში - ზაზა ფაჩულიამ და ვაკო ყაზაიშვილმა მაისურები გაცვალეს
თბილისში კირსან ილუმჟინოვის "ჩუმად" ჩამოსვლას ჭადრაკის ფედერაცია გამოეხმაურა
სხვა სიახლეები
BMW-ს ელექტრომობილით კახეთში
06.04.2015
თავგადასავლებით აღსავსე მოგზაურობა შტუტგარტიდან თელავამდე
სრულად
სმარტი საოცრებათა ქვეყანაში
16.02.2015
ყველაზე დიდი მაკეტი მსოფლიოში, რომელსაც ახალი ”სმარტიც” დაემატა
სრულად
ბავშვისთვის შექმნილი ყველაზე დიდი მანქანა მსოფლიოში
06.02.2015
მილიონერმა თავის პატარა ქალიშვილს წარმოუდგენელი საექსპედიციო ავტომობილი გაუკეთა. ჩვენ ეს მანქანა ვნახეთ
სრულად
ყველაზე კითხვადი
პირველი გასეირნება მერსედესის პიკაპით - გაიცანით X-კლასი
პირველი გასეირნება მერსედესის პიკაპით - გაიცანით X-კლასი
ახალი მერსედეს CLS 2018 წელს გამოვა! პირველი ცნობები
ახალი მერსედეს CLS 2018 წელს გამოვა! პირველი ცნობები
ლექსუსის და BMW-ს ჰიბრიდების შედარება - რაც ბრწყინავს, ყველაფერი ოქროა?
ლექსუსის და BMW-ს ჰიბრიდების შედარება - რაც ბრწყინავს, ყველაფერი ოქროა?
„რეზონანსი" - ფინანსურმა კომპანიებმა ხალხი 100 მლნ დოლარში "გადააგდო"
„კახეთის ენერგოდისტრიბუციის“ აუქციონი დღეს სრულდება
ისთ ფოინთი-აეროპორტისა და გლდანის მიმართულებით შესაძლოა, მეტრომ იმოძრაოს
N92 აგვისტო-სექტემბერი 2017
ახალი ნომერი
არქივი
რედაქტორის რჩევით
პირველი გასეირნება მერსედესის პიკაპით - გაიცანით X-კლასი
პირველი გასეირნება მერსედესის პიკაპით - გაიცანით X-კლასი
ჰიუნდაის ელექტრო-რევოლუცია
ჰიუნდაის ელექტრო-რევოლუცია
ლექსუსის და BMW-ს ჰიბრიდების შედარება - რაც ბრწყინავს, ყველაფერი ოქროა?
ლექსუსის და BMW-ს ჰიბრიდების შედარება - რაც ბრწყინავს, ყველაფერი ოქროა?
ფრენის განრიგი
მატარებლის განრიგი
IMG
აფიშა
ჰოროსკოპი
TV პროგრამა
ვალუტა
გთავაზობთ ავტომობილების ქირაობას დღიურად ყველაზე
Toyota Land Cruiser Prado 50 $
Mitsubishi Grandis 2900 $
Toyota Land Cruiser Prado 80 $
წლის ქართული ტრანსფერი და სხვები... სად ითამაშებენ ნაკრების წევრები
თბილისის "დინამო" საკალათბურთო ჩემპიონთა თასზე: დღეს წილისყრაა!
"მსოფლიო რაგბის" პრეზიდენტმა გიორგი კვირიკაშვილს წერილით მიმართა
დღიურად 2 ოთახიანი ბინა, საბურთალო
დღიურად 1 ოთახიანი ბინა, ბათუმი