გაიცანით ანი - საქართველოს ნაკრების ფეხბურთელი და მერსედესის ფანი
გაიცანით ანი - საქართველოს ნაკრების ფეხბურთელი და მერსედესის ფანი
22.07.2015
ეს გოგონა, ფოტოებიდან თბილად რომ გვიღიმის, ანი ზაქაიძეა. 20 წლის. ფეხბურთელი... ფეხბურთელი? დიახ, ფეხბურთელი! თან, ისე უბრალოდ ფეხბურთელი კი არა, საქართველოს ეროვნული ნაკრების ფეხბურთელი! ქალთა ნაკრების, რა თქმა უნდა. პოზიცია? მარჯვენა მცველი.

Auto Bild
ანი ზაქაიძე საქართველოს ქალთა საფეხბურთო ნაკრების მარჯვენა მცველია

ცხადია, ახლა ლოგიკურ-ლეგიტიმური კითხვა გაგიჩნდებათ: რატომ დაინტერესდა საქართველოს ქალთა საფეხბურთო ნაკრების მოთამაშით საავტომობილო ჟურნალი? საქმე იმაშია, რომ ანი ზაქაიძე სერიოზული ავტომოყვარულია და სანამ ფეხბურთელი გახდებოდა, ავტოსპორტზე ფიქრობდა, მაგრამ ავტოსპორტი ისეთია, სანამ კარგად არ წამოიზრდები და მართვის მოწმობას არ აიღებ, სერიოზულად ვერ ივარჯიშებ, ფეხბურთის თამაშს კი ბავშვობიდან იწყებ.

”ავტომობილის მართვა მამამ მასწავლა და ბავშვობაშივე დამსვა საჭესთან. რა თქმა უნდა, ქალაქში არა. უფრო ქალაქგარეთ, სადაც ბევრი მანქანა არ იყო. ყოველდღე ვეხვეწებოდი, ზოოპარკში და ვაკის პარკშიც სულ მანქანებზე ვჯდებოდი და ამიტომაც მასწავლა. დაახლოებით 14-15 წლის ვიყავი, როცა მანქანა უკვე სერიოზულად მანდო - მამა ნასვამი იყო და მე წამოვიყვანე,” - გვითხრა ანიმ.

Auto Bild
ანიმ ფეხბურთის ფედერაციის ”მინი კუპერით” დაგვიმტკიცა, რომ მანქანას მართლაც კარგად მართავს

ახლა უკვე 20 წლისაა და მართვის მოწმობაც აქვს, მაგრამ საკუთარი ავტომობილი ჯერ არ ჰყოლია. ძირითადად თავისი დის, ან მეგობრების ავტომობილების საჭეს უზის ხოლმე: ”ბავშვობაში, ფეხბურთელობასთან ერთად, ავტომრბოლის კარიერაზეც ვოცნებობდი და, შესაბამისად, სპორტული მანქანები მიყვარს. მომწონს ყველანაირი სპორტული ავტომობილი, საავტომობილო მაკრებიდან კი უპირატესობას ”მერსედესს” ვანიჭებ. ჭკუა მეკეტება ახალ AMG GT-ზე, ძალიან მომწონს Mercedes C63 AMG, ვგიჟდები CLS-ზე და მოკლედ, ყველა ”მერსედესი” ძალიან მიყვარს,” - ანი ზაქაიძე ”მერსედესის” სერიოზული ფანია. იქვე ამბობს, რომ BMW-ს საჭესთანაც მჯდარა და ბავარიულ მარკასაც დიდ პატივს სცემს, მაგრამ პირადად ”მერსედესი” ურჩევნია. ეს უკვე გემოვნების ამბავია.

საქართველოში კაცთა ფეხბურთია შავ დღეში და ქალთა ფეხბურთი საერთოდ რომ გვაქვს, ესეც გასაოცარია, მაგრამ იცით, თუ არა, რომ საქართველოს ქალთა ნაკრები ფიფას რეიტინგში 112-ე ადგილზეა (ივლისის მდგომარეობით - ავტ)?! და რომელ ადგილზეა კაცების ნაკრები? 153-ეზე!.. ეს ისე, უბრალოდ.

Auto Bild
”ფეხბურთის თამაში დაახლოებით 6-7 წლის ასაკიდან დავიწყე - რა თქმა უნდა, ეზოში, ბიჭებთან ერთად”

”ვიცი, რომ გოგო ფეხბურთელი უცნაური ამბავია - მით უმეტეს ქართულ რეალობაში, მაგრამ ჩვენი ნაკრები სტერეოტიპებს ამსხვრევს: აი, ელიტრაუნდი გავიარეთ და შესარჩევში გავედით, საიდანაც ფინალურ ეტაპზე ხვდებიან და ახლა ისეთ სერიოზულ მეტოქეებთან მოგვიწევს თამაში, როგორებიცაა იტალია და შვეიცარია. ფეხბურთის თამაში დაახლოებით 6-7 წლის ასაკიდან დავიწყე - რა თქმა უნდა, ეზოში, ბიჭებთან ერთად. სხვათა შორის, თავიდანვე ისე ვთამაშობდი, რომ უარს არ მეუბნებოდნენ, ყოველთვის სიამოვნებით მათამაშებდნენ. გოგო ვიყავი და არ მეუხეშებოდნენ, მაგრამ მაინც კარგად ვთავაშობდი, ბევრ ბიჭზე უკეთესადაც კი. სერიოზულად ვარჯიში კი 12 წლის ასაკიდან დავიწყე და მას მერე ოფიციალურად ვარ ფეხბურთელი,” - ამაყად ამბობს ანი.

Auto BildAuto Bild
”დედაჩემი დიდხანს ფიქრობდა, რომ ეს უბრალოდ გატაცება იყო და სანამ საქართველოს ნაკრებში არ მოვხვდი, მანამდე ჩემს ფეხბურთელობას სერიოზულად არავინ უყურებდა”

ნიჭიერი გოგო ფეხბურთელი სწორედ ეზოში შეამჩნია ერთ-ერთმა მწვრთნელმა და ასე მოხვდა დიდ ფეხბურთში: ”მშობლებს, რა თქმა უნდა, უკვირდათ. დედაჩემი დიდხანს ფიქრობდა, რომ ეს უბრალოდ გატაცება იყო და სანამ საქართველოს ნაკრებში არ მოვხვდი, მანამდე ჩემს ფეხბურთელობას სერიოზულად მაინც არავინ უყურებდა. ახლა უკლუბოდ ვარ, მაგრამ ყოველდღე ვვარჯიშობ, მთელი გუნდი ძალიან მოტივირებულები ვართ და ყველაფერს გავაკეთებთ, რომ შესარჩევში კარგად ვითამაშოთ.”

ჩვენს გოგონებს შესარჩევის პირველი ოფიციალური მატჩი 18 სექტემბერს აქვთ - იტალიის ნაკრების ესტუმრებიან, მერე კი, 22 სექტემბერს თბილისში ჩეხეთის ნაკრებს უმასპინძლებენ.

Auto Bild

ანიმ მართვის მოწმობა პირველივე ცდაზე აიღო - უშეცდომოდ ჩააბარა თეორიაც და პრაქტიკაც. ”თანაც, მექანიკაზე ჩავაბარე. ამას ხაზგასმით იმიტომ ვამბობ, რომ მიმაჩნია, მანქანის მართვა მექანიკური გადაცემათა კოლოფით უნდა ისწავლო. საერთოდაც, მექანიკა მირჩევნია ავტომატიკას, თუმცა ქალაქში უკვე ისეთი გადატვირთული მოძრაობაა, რომ ავტომატური გადაცემათა კოლოფის კომფორტიც ძალიან მნიშვნელოვანი გახდა. არ მიყვარს თავხედი მძღოლები. სხვათა შორის, ბევრი ქალი მძღოლი ვიცი, ვინც კაცებზე უკეთესად მართავს ავტომობილს. თუმცა მაინც ბევრია ისეთი გოგო, ვინც დაძაბული ზის საჭესთან, რადგან ქალაქში პრაქტიკა არ ჰქონია. მარტო ”რვიანი”, ზიგ-ზაგი და უკუსვლით შეყენება საკმარისი არ არის. ვეთანხმები იმ აზრს, რომ მართვის მოწმობის გამოცდები ქალაქშიც უნდა ჩატარდეს, ანუ, რეალურ მოძრაობაში. იმიტომ, რომ 10-წუთიანი გამოცდა არ ნიშნავს იმას, რომ უკვე სერიოზული მძღოლი ხარ,” - მიაჩნია ანი ზაქაიძეს, რომელსაც საჭესთან ჯდომისას ნერვები ყველაზე მეტად მაშინ ეშლება, როცა სხვა მძღოლები მოხვევის ციმციმას ან საერთოდ არ რთავენ, ანაც ძალიან გვიან - როცა აზრიც აღარ აქვს.

Auto Bild

ანი ფეხბურთელი კი გამოვიდა, მაგრამ ავტოსპორტის სიყვარული დღემდე არ განელებია და მინიმუმ მოყვარულის დონეზე მაინც სურს სპორტული ავტომობილებით სიამოვნების მიღება.

ფეხბურთელ ანი ზაქაიძეს ბოლოს ეს აუცილებელი კითხვაც დავუსვით: რომელია მისი საყვარელი ფეხბურთელი? და რომელი მამაკაცი ფეხბურთელი ესიმპათიურება ყველაზე მეტად? ანის საყვარელი ფეხბურთელი კრიშტიანო რონალდოა, ყველაზე სიმპათიურ ფეხბურთელად კი ასევე მადრიდის ”რეალის” ნახევარმცველი ისკო მიაჩნია. ისკოს ხსენებაზე ანის თვალები ისე გაუბრწყინდა, რომ მივხვდით, მეტი აღარაფერი უნდა გვეკითხა...

ასევე იხილეთ:
ქართველი ლეგენდა საჭესთან - გიორგი ქინქლაძის ბენტლი
Auto Bild
facebook twitter twitter
ელფოსტა ბეჭდვა
article image
რამდენად ახალია ახალი გოლფი სინამდვილეში?
2017-06-22 07:51:27
ახალი ძრავები და ნავიგაცია, რომელსაც ჟესტებით ვმართავთ: ”ფოლკსვაგენმა” ”გოლფი” განაახლა და ჩვენ ის უკვე შევამოწმეთ
სრულად
article image
Cat Image
გემრიელი იტალიელი - ალფა რომეო სტელვიოს ექსკლუზიური ტესტი
2017-06-14 06:15:23
”სტელვიო” ”ალფა რომეოს” პირველი SUV-ია, რომელიც კლასში საუკეთესო სპორტულობას გვპირდება. ჩვენ ის გავტესტეთ და შეგვიძლია ვთქვათ: დიახ, ეს ყველანაირად ნაღდი ალფაა!
სრულად
article image
Cat Image
ახალი Mercedes E-კლასი კუპე - შეხვედრა მრავლისმნახველ ბაბუასთან
2017-05-31 07:02:04
ახალი ”E-კლასი კუპე” მშვენიერი ავტომობილია, მაგრამ აქვს იმის პოტენციალი, რომ W124-ივით ლეგენდარული გახდეს?
სრულად
ქართველი მხატვრის მიერ შექმნილი უნიკალური ჭადრაკი ოქროთი და ალმასებით
"მიხარია, ბავშვებისგან რომ მესმის, ზურა პაპას პაღში მივდივართო" – კაცი, რომელმაც გლდანში საოცარი სკვერი მოაწყო
ქართველი ქალბატონის ულამაზესი ბაღი ინგლისში დედოფლის სასახლის მახლობლად
იყიდება 3-ოთახიანი დიდუბეში
ქირავდება სავაჭრო ფართი მთაწმინდაზე
იყიდება აგარაკი თეთრიწყაროში
იყიდება 2-ოთახიანი საბურთალოზე
ევროპის ახალგაზრდული ჩემპიონატი: ქართველებმა 1 ოქრო, 1 ვერცხლი და 2 ბრინჯაო მოიპოვეს
საქართველო-პორტუგალიის მატჩის ბილეთებს გადამყიდველები 40 ლარად ყიდიან
"ჟირონა" - კატალონიის "მანჩესტერ სიტი"
სხვა სიახლეები
ყველამ მაგინა, ვისაც არ დაეზარა - გვეშველება რამე?
29.06.2017
როდესაც გავიგე, რომ 1 ივლისიდან ჯარიმების ასქულიანი სისტემა შემოდიოდა, გადავწყვიტე მანქანის ახლებურად, ანუ წესების დაცვით მართვაში მევარჯიშა და... აი, მანდ შევცდი.
სრულად
ახალი ტოიოტა პრიუსი - ყოველთვის ყურადღების ცნტრში
28.06.2017
ალბათ ყველას გვახსოვს ის დრო, როდესაც ქართველი ავტომომხმარებლები საკმაოდ სკეპტიკურად იყვნენ განწყობილნი ჰიბრიდული ტექნოლოგიების მიმართ.
სრულად
რამდენ ხანში დაკარგავს მართვის მოწმობას დამრღვევი მძღოლი?
28.06.2017
პირველი ივლისიდან ძალაში შევა ახალი კანონი ”საგზაო უსაფრთხოების შესახებ”, რაც იმას ნიშნავს, რომ მართვის მოწმობაზე ქულათა სისტემა ამოქმედდება.
სრულად
ყველაზე კითხვადი
რამდენ ხანში დაკარგავს მართვის მოწმობას დამრღვევი მძღოლი?
რამდენ ხანში დაკარგავს მართვის მოწმობას დამრღვევი მძღოლი?
ახალი ნომრები - რა ღირს და როგორ დავჯავშნოთ
ახალი ნომრები - რა ღირს და როგორ დავჯავშნოთ
შსს გაზზე მომუშავე ავტომობილებთან დაკავშირებით განცხადებას ავრცელებს
„კუკუშკას“ კულტურული მემკვიდრეობის ძეგლის სტატუსი მიენიჭა
დღეიდან მართვის მოწმობის 100 ქულიანი სისტემა ამოქმედდა - რა დარღვევაზე რამდენი ქულა დაგაკლდებათ
N91 ივლისი 2017
ახალი ნომერი
არქივი
რედაქტორის რჩევით
რამდენ ხანში დაკარგავს მართვის მოწმობას დამრღვევი მძღოლი?
რამდენ ხანში დაკარგავს მართვის მოწმობას დამრღვევი მძღოლი?
ყველამ მაგინა, ვისაც არ დაეზარა - გვეშველება რამე?
ყველამ მაგინა, ვისაც არ დაეზარა - გვეშველება რამე?
გემრიელი იტალიელი - ალფა რომეო სტელვიოს ექსკლუზიური ტესტი
გემრიელი იტალიელი - ალფა რომეო სტელვიოს ექსკლუზიური ტესტი
ფრენის განრიგი
მატარებლის განრიგი
IMG
აფიშა
ჰოროსკოპი
TV პროგრამა
ვალუტა
Toyota Noah 50 $
იყიდება Elring-ის ფირმის Opel Astra-ს
იყიდება მარშუტკის სავარძლები, ფასი შეთანხმებით.
Honda Fit 50 $
U19: საქართველოს ნაკრებმა ევროპის ჩემპიონატი მარცხით დაიწყო
ზაზა ფაჩულიას "გოლდენ სტეიტში" დარჩენის შანსი თითქმის გამოირიცხა
გიორგი არაბიძე: როგორ არ უნდა გინდოდეს ევროპის ჩემპიონატზე თამაში?!
დღიურად 4 ოთახიანი ბინა, ბათუმი
დღიურად 2 ოთახიანი ბინა, ბათუმი