სიჩქარე წყალზე - ბენტლი სუპერ-ნავის წინააღმდეგ (+ VIDEO)
სიჩქარე წყალზე - ბენტლი სუპერ-ნავის წინააღმდეგ (+ VIDEO)
10.03.2016
დრო აღარავის აქვს.... ჰოდა, ჩვენც სწრაფად შევუბეროთ!

”სამსახურიდან ჯერ ვერ გამოვალ - ხომ იცი, ამ პროექტის დედლაინი გუშინწინ იყო. პლუს 148 მეილი მაქვს შესამოწმებელი - იქნებ რას მწერენ...” აი, ასეთი გახდა ჩვენი ყოველდღიური ცხოვრება და ყველამ ვიცით, რომ კაციშვილს აღარ აქვს თავისუფალი დრო. ინფორმაცია დღეს ელვის სისწრაფით ვრცელდება და ის, რაც დღეს აქტუალურია, ხვალ უკვე დაძველებული იქნება. სიჩქარეს ავტოსამყაროშიც ყოველთვის განსაკუთრებული მნიშვნელობა ჰქონდა - ახლა ხომ მით უმეტეს. საქმე იქამდეც კი მივიდა, რომ თვით ისეთ კონსერვატიულ კაბრიოლეტსაც კი, როგორიც Bentley Continental გახლავთ, სახელწოდებაში სიტყვა Speed დაუმატეს.

და რა უნდა გავაკეთოთ ამის საწინააღმდეგოდ? სანამ თქვენ იოგის კურსზე ჩაეწერებით, ჩვენ უკეთესი თერაპია მოვიფიქრეთ: უბრალოდ გაზის ბოლომდე მიცემა! მართალია, ამით დედამიწა უფრო ნელა არ დატრიალდება, მაგრამ როგორც მინიმუმ, ჩვენ მაინც ვიფიქრებთ, რომ უფრო ნელა ბრუნავს.

Auto Bild
უძვირფასესი ტყავი და იდეალური დამუშავება ”ბენტლის” ინტერიერში

ამ ”ბენტლის” ერთი ჩვეულებრივი გასეირნება ნამდვილად არ ეკადრება - 635-ცხენისძალიანი მანქანა გვარიანად უნდა გამოვიწვიოთ. ჩვენ ჰამბურგში ვართ - აქ წყალია და ნავსადგური. გარდა ამისა, რამდენიმე წელია, აქ ფრანკ პროკოპიუსი და RIB-პირატებიც მოღვაწეობენ. RIB რას ნიშნავს? ” Rigid Inflatable Boat” - გადარეული ნავი, ანუ.

სახელი მოკრძალებულია, მაგრამ ეს ნავები ძალიან სწრაფები არიან და თავიანთი 250-ცხენისძალიანი მოტორებით ძალიან მალე აგატირებენ. და ეს ნამდვილად არ იქნება სიხარულის ცრემლები, თუმცა ამაზე მოგვიანებით...

Auto Bild

მოკლედ, ჩვენ იმის გაგება გვინდა, თუ რომელია უფრო სწრაფი - Bentley Speed თუ Speed-ნავი? ამიტომაც გადავწყვიტეთ, რომ მათთვის ორნაირი დუელი მოგვეწყო: ერთი იქნება კლასიკური აჩქარება ნულიდან 100 კმ/სთ-მდე, ხოლო მეორე - შეჯიბრი 1000-მეტრიან დისტანციაზე. ასე რომ, ნავი ელბაში, ”ბენტლი” კი იქვე, სანაპიროს გზაზე. სამი, ორი, ერთი - წავედით! Continental-მა გრძელი კაპოტი ზეცისკენ შემართა, სრული ამძრაობის წყალობით ასფალტზე ადგილს მყისიერად მოწყდა და მძღოლი ტყავის უაღრესად კომფორტულ სავარძელს მიაკრო. ასეთი ავტომობილი სოლიდურობას არასდროს, არცერთ მომენტში კარგავს - მაშინაც კი, როცა მის სახელს Speed ურევია. ზუსტად ხუთ წამში ”ბენტლის” სპიდომეტრმა 100 კმ/სთ აჩვენა - Respect! და მიუხედავად ამისა, ეს მაინც არ იყო საკმარისი: ჩვენი სუპერ-ნავი 100 კმ/სთ-მდე გაცილებით სწრაფად აჩქარდა! არადა, მისი სიმძლავრე ”ბენტლისაზე” ორჯერ ნაკლებზე ნაკლებია. როგორ? როგორ და ასე! Yamaha-ს ძრავამ ის გაცილებით სწრაფად ააჩქარა წყალში და ტალღებიც მოიტანა.

თუმცა ”ბენტლიმ” ჩამორჩენა მალევე აღმოფხვრა, რადგან ამ ნავს 100 კმ/სთ-ზე ბევრად მეტი სისწრაფის განვითარება არ შეუძლია. ”ბენტლის” კი შეუძლია და, თანაც, გაცილებით მეტის! ერთი კილომეტრის შემდეგ, თავმომწონე ბრიტანელის სისწრაფე უკვე 240 კმ/სთ იყო და, რა გასავირია, რომ 1000-მეტრიანი დისტანცია თითქმის 24 წამში დაფარა. სუპერ-ნავმა კი ფინიშის ხაზი თითქმის 10 წამით გვიან გადაკვეთა.

Auto Bild
ერთი გზაზე, მეორე წყალში: ბრიტანული კაბრიოლეტი სუპერ-ნავის წინააღმდეგ ჰამბურგის ნავსადგურში

თუმცა აქ ისიც უნდა ითქვას, რომ მხოლოდ ციფრებით მსჯელობა ამ შეჯიბრზე ნახევარი სიმართლის მოყოლას ჰგავს. საქმე ისაა, რომ თუკი გზაზე ავტომობილით 100 კმ/სთ სისწრაფით ქროლვა ბევრი არაფერია, წყალზე ასეთი სისწრაფე მართლა გადასარევი ამბავია.

ჰოდა, მოდი ნავში გადავიდეთ და ის, რასაც წეღან სანაპიროდან ვადევნეთ თვალი, ცხადად შევიგრძნოთ. ამ ნავის მაქსიმალურ აქსელერაციამდე აუცილებლად ღრმად უნდა ჩაისუნთქო. აქ არ ზიხარ, არამედ ფეხზე დგახარ და აჩქარებისას დიახაც მყარად უნდა იდგე. რამდენიმე წამში ნებისმიერი ვარცხნილობა ჯოჯოხეთად გექცევა და არცთუ სერიოზული წვიმის წვეთები ძალიან მარტივად პოულობენ შიშველ კანს. ამ დროს ცხადად გრძნობ, რა განსხვავებაა გზაზე და წყალზე ქროლვას შორის.

Auto Bild

წყალზე გადაადგილებას, როგორც წესი, კომფორტულ გასეირნებად ვიცნობთ. ვის არ უსეირნია ტურისტის რანგში მდინარეზე თუ ზღვაზე, ამგვარი გასეირნება კი გასეირნების გარდა ყველაფერია. პირდაპირ ვიტყვი: აჩქარებისას ასეთი სიამოვნება არასდროს მიმიღია, განტვირთვის საუკეთესო საშუალებაა - ყოველდღიურობაც დამავიწყდა და წაუკითხავი მეილებიც. ამიტომაც ვამბობთ, რომ ეს არ იყო უკანასნელი შემთხვევა, როცა Speed-ნავით ვიარე. ჰამბურგის ნავსადგურში ამ ნავის დაქირავება რამდენიმე ევრო ღირს.

ჩემი სმარტფონი მხოლოდ ნახევარი საათის შემდეგღა გამახსენდა, დავხედე და მივხვდი, რომ დედამიწა ამ ხნის განმავლობაში ძველებური სისწრაფით ბრუნავდა. გუშინწინდელი დედლაინიც გამახსენდა და წავედი, იმ 148 წაუკითხავი მეილის მეხუთედს მაინც ვნახავ.
შტეფან ფოსვინკელი

როგორ გავისეირნოთ ამ ნავით ჰამბურგში?

Auto Bild

ფრანკ პროკოპიუსმა ფირმა RIB-Piraten თავის მეგობარ გოგონასთან ერთად დააარსა და ეს ერთადერთი ბიზნესმენია, რომელსაც ჰამბურგის ნავსადგურში ასე სწრაფად გადაადგილება შეუძლია. ჰყავს ოთხი ასეთი ნავი და ყველა მსურველს სთავაზობს ამგვარ თავგადასავალს. ერთი ”გასეირნება” ელბაზე დაახლოებით საათნახევარი გრძელდება.

  • Capelli Tempest 750 Work
ძრავა: V6 Yamaha (F250DETX); მოცულობა: 4169 სმ3; სიმძლავრე: 184 კვტ (250 ცხ. ძ)/5500 ბრ/წთ; მაქს. სიჩქარე: 102 კმ/სთ; 0-100 კმ/სთ: 4,2 წამში; სიგრძე/სიგანე: 7500/3000 მმ; წონა: 1900 კგ; საწვავის ხარჯი: დაახ. 45 ლიტრი/საათში

Auto Bild
  • Bentley Continental Speed
ძრავა: W12, Biturbo; მოცულობა: 5998 სმ3; სიმძლავრე: 467 კვტ (635 ცხ. ძ.)/6000 ბრ/წთ; ბრუნის მომენტი: 820 ნმ/2000; მაქს. სიჩქარე: 327 კმ/სთ; 0-100 კმ/სთ: 5,0 წამში; ამძრაობა: სრული/8-საფ. ავტომატიკა; სიგრძე/სიგანე/სიმაღლე: 4806/1944/1393 მმ; საწვავის ხარჯი (EU, საშუალო): 14,9 ლ. S/100 კმ-ზე; გამონაბოლქვი: 347 გ/კმ

Auto Bild

იხილეთ ვიდეო: სიჩქარე წყალზე - ბენტლი სუპერ-ნავის წინააღმდეგ



ასევე დაგაინტერესებთ:
უგანდელი ფრედის ამბავი
Auto Bild

ავტომობილი მათთვის, ვინც უკვე დარგო ხე,
ააშენა სახლი და მისცა დასაბამი ახალ სიცოცხლეს

Auto Bild

BMW თვითმფრინავის წინააღმდეგ
Auto Bild


მანქანები ისეთი კაცებისთვის,
რომლებიც მკერდზე თმას არ იპარსავენ...

Auto Bild

ყველაზე ძველი ახალი მანქანა მსოფლიოში
Auto Bild

როცა მანქანა ჯობია სახლს: გერმანული საცხოვრებელი მანქანები
Auto Bild


1500 კილომეტრი ბუგატით
Auto Bild

ლივერპულის საიდუმლო განძი
Auto Bild
facebook twitter twitter
ელფოსტა ბეჭდვა
ტეგები:
ტესტები
მრჩეველი
რეპორტაჟი
ავტოსპორტი
ტექნოლოგიები
article image
ნახეთ, რა გააკეთა შკოდამ!
2016-03-31 06:04:48
4,70 მეტრი! ”შკოდას” SUV ”ფოლკსვაგენ ტიგუანზე” 21 სანტიმეტრით გრძელია. Skoda Kodiak შემოდგომაზე
სრულად
article image
Cat Image
მაღალი, თუ დაბალი - ტიგუანი, თუ გოლფი?
2016-03-30 06:00:31
ევროპის ბესტსელერი კომპაქტი ბესტსელერი SUV-ის წინააღმდეგ
სრულად
article image
Cat Image
ახალი ვოლვოს ტესტი: პატარა ძრავა, დიდი ამბავი!
2016-03-29 06:12:19
”ვოლვოს” დიდ SUV-ს უკვე კარგად იცნობთ, მაგრამ როგორია ის ბენზინის პატარა ძრავით?
სრულად
მარკ ცუკერბერგის 10-მილიონიანი სახლი საინტერესო ისტორიით
ქვის კალათები ბაღისთვის – როგორ იქმნება ეზოს ნამდვილი მშვენება
ნაბდის ქუდები "ნამუსის შესანახად"
ქირავდება თბილისში სასტუმრო
2009 BMW 550
ქირავდება ნომერი ქობულეთში
იყიდება ფოთში სასტუმრო
თორნიკე ოქრიაშვილის გოლი 90min.com-ის ტოპ-ათეულში მოხვდა [VIDEO]
ალეკო ამისულაშვილი: გულშემატკივრისთვის ბოდიში გვაქვს მოსახდელი
ტოპ-5 ლიგა. სტატისტიკა: ფინიშის სწორამდე ნეიმარი საუკეთესოა
სხვა სიახლეები
31.03.2016
4,70 მეტრი! ”შკოდას” SUV ”ფოლკსვაგენ ტიგუანზე” 21 სანტიმეტრით გრძელია. Skoda Kodiak შემოდგომაზე
სრულად
GOODBYE, MY FRIEND! - ვემშვიდობებით Land Rover Defender-ს
30.03.2016
ეპოქის დასასრული - ლენდ როვერთა წინაპარი სამუდამოდ გვემშვიდობება
სრულად
მაღალი, თუ დაბალი - ტიგუანი, თუ გოლფი?
30.03.2016
ევროპის ბესტსელერი კომპაქტი ბესტსელერი SUV-ის წინააღმდეგ
სრულად
მთავრობამ ონლაინ აზარტული თამაშები საგულდაგულოდ მიივიწყა
რატომ უნდა დავაფინანსოთ სტარტაპი
როგორ დაიწყო ქართველმა მამაკაცმა ციმბირში ხის კოშკების მშენებლობა
N76 მარტი 2016
ახალი ნომერი
ფრენის განრიგი
მატარებლის განრიგი
IMG
აფიშა
ჰოროსკოპი
TV პროგრამა
ვალუტა
Land Rover Range Rover 100 $
3.5 ბ ბ შეფასებით!!!! გამოცვლილი
Mitsubishi i 2500 $
Mercedes-Benz CLS 55 AMG 17800 $