BMW-ს ახალი ხულიგანი M2 - თავის მოკვლა რომ გინდოდეს, გადაგაფიქრებინებს...
BMW-ს ახალი ხულიგანი M2 - თავის მოკვლა რომ გინდოდეს, გადაგაფიქრებინებს...
16.05.2016
M – ეს BMW-ს მოყვარულთა საფიცარია და M-ის სამყარო ახლა BMW M2-ით იწყება. ამ 370-ცხენისძალიანი Turbo-კუპეს მართვა რომ დიდი სიამოვნებაა, ამაში მალევე დავრწმუნდით

”ხულიგანკა” ხომ კარგად გახსოვთ? განსაკუთრებით BMW-ს მოყვარულებს ეხსომებათ. 90-იანების საქართველოში ”ხულიგანკა” თუ გყავდა, პირველი ბიჭი იყავი. ეს იყო მანქანა, რომელიც დღემდე აღაგზნებს BMW-ს ფანებს. ახლა კი მინდა გითხრათ, რომ Test The Best-ზე ჩვენ BMW-ს ახალი ”ხულიგანკა” გავიცანით. თუკი შესაძლებელია, რომ რომელიმე ახალ BMW-ს ეს ცნობილი მეტსახელი შეარქვა, პირველ რიგში ალბათ სწორედ ამ მანქანას - ახალ BMW M2-ს! იმიტომ, რომ ეს არის ყველაზე სპორტული, ყველაზე სიმპათიური, ყველაზე გადარეული და ყველაზე ცელქი კუპე ახალგაზრდულ BMW-ებს შორის.



ბავარიელებს და კერძოდ M GmbH-ს სწორედ BMW M2-ით სურთ ახალი ახალგაზრდა ავტომოყვარულების გულის მოგება. რაც ყველაზე მთავარია, მანქანა კომპაქტურია და ძალიან ძლიერი, რაც იმის დამსახურებაა, რომ BMW-ს სპორტულმა დეპარტამენტმა უდიდესი მონდომებით იმუშავა - M-ის ბიჭებმა ამ მანქანაში სული და გული ჩადეს და M2-ისთვის არც მისი დიდი ძმის, M4 დეტალები დაენანათ. დაუმატეთ ამას კლასიკური 3-ლიტრიანი, 6-ცილინდრიანი Turbo ძრავა, რომლის სიმძლავრე 370 ცხენის ძალაა. დანკე შონ!



ტრეკის პარკინგზე ახალი M2 იმდენად თავდაჯერებულად იდგა, რომ დანახვისთანავე მივხვდით, თავგადასავალი სწორედ ამ ავტომობილით უნდა დაგვეწყო. ასეთი ვაჟკაცური დგომაც M-ის ბიჭების დამსახურებაა. საქმე ისიცაა, რომ M2-ის საბურავების თაღებს მიღმა M3/M4-ის ღერძები იმალება.



სხვათა შორის, ”მეორე სერიის” M-ვერსიამ სამუხრუჭე სისტემაც თავისი დიდი ძმისგან მიიღო. ტექნიკური თვალსაზრისით კი, თავისი 370 ცხენის ძალით, სადღაც M235i-ს (326 ცხ. ძ.) და M4-ს (431 ცხ. ძ.) შორისაა. აი, ბრუნის მაქსიმალური მომენტით კი, ეს მანქანა, თვით V8-M3-საც (E90, 420 ცხენის ძალა, 400 ნმ) ჯობნის! როგორ? აი, ასე: მისი მაქსიმალური მაბრუნი მომენტი 1400-დან 5560 ბრ/წთ-მდე 465 ნიუტონმეტრია, მცირეხნიანი Overboost-ით კი სულაც 500! თუმცა გვეყო მშრალი ციფრები და თეორიები - საქმეზე გადასვლის დროა.


ყველაფერი, რაც გჭირდება და არაფერი ზედმეტი - M2-ის ინტერიერი ბავარიული მიდგომის ნიმუშია



დააჭერ თითს სტარტის ღილაკს და 6-ცილინდრიანი აგრეგატი ისეთი ხმით იღვიძებს, თავის მოკვლა რომ გინდოდეს, გადაგაფიქრებინებს - ცხოვრება მშვენიერია! ნიუტონმეტრების დამსახურებაა ისიც, რომ ადგილიდან მძლავრად წყდება და მნიშვნელობა არა აქვს, სად დგას ტახომეტრის ისარი, ძრავის რეაქცია ნებისმიერ დროს შესაშურია და 7000-მდე ყველა მაყუჩიდან ცეცხლებს ისვრის. შთამბეჭდავია მისი ჟღერადობაც. გამოცდილი მძღოლი პირველივე აჩქარებისას მიხვდება, რომ ბავარიულ 6-ცილინდრიანთან აქვს საქმე. ძრავის ჟღერადობა განსაკუთრებით მძაფრი ”Sport+” რეჟიმშია, რადგან ამ დროს ოთხივე მაყუჩი უკიდურესად ბობოქრობს.


ახალი BMW M2-ის მართვა ასეთ ბრწყინვალე ტრეკზე ორმაგად სასიამოვნოა

M2-ის ნდობას უკვე რამდენიმე მოსახვევის შემდეგ იწყებ. პილოტის ბრძანებებს კარგად ემორჩილება, მაგრამ მაინც არ გტოვებს იმის განცდა, რომ რისკავ. ეს კარგია გართობისთვის! მიუხედავად იმისა, რომ მანქანა 1570 კილოგრამს იწონის, რაც სულაც არ არის ცოტა, M2 მაინც ძალიან მსუბუქი და მანევრულია. გაგახსენებთ, რომ მისი დიდი ძმა, M4 მხოლოდ 20 კილოგრამით მეტს იწონის (1590 კგ). მძღოლის სრული სიმშვიდისთვის კი არსებობს ESP, რომელიც ”Sport+” რეჟიმში სიამოვნების მიღებას მაქსიმალურად გაცდის და საქმეში სპეციალურად გვიან, უკიდურესი საჭიროების დროსღა ერთვება. სისტემა არასდროს ტოვებს მძღოლს 100 პროცენტით მარტო - BMW-ში კარგად იციან, როგორ აღაგზნებს ეს მანქანა თავის მფლობელს და ზრუნავენ მის უსაფრთხოებაზე. თავდაჯერებული მძღოლი Sport+ რეჟიმით მაქსიმალურად ისიამოვნებს, დამწყებთათვის კი იდეალურია ჩვეულებრივი Sport-რეჟიმი, რომლის დროსაც ყველა საჭირო ასისტენტ-სისტემა ჩართულია, ნებისმიერ სიტუაციაში უსწრაფესად გეხმარება და, ამავდროულად, მანქანა მაინც უნაკლოდ გართობს.



ყველაზე კარგიც სწორედ ეს არის: M2-ით მაქსიმალურად ერთობა როგორც დამწყები, ისე გამოცდილ-გამობრძმედილი პილოტიც. ეს ის შემთხვევაა, როცა მართვის სიამოვნება ასისტენტებითაც გარანტირებულია. თუ საკუთარი თავის გჯერა, გათიშე და ისე იბატონე! და თუ ზედმეტად თავდაჯერებული გამოდექი და რაღაც მაინც შეგეშალა, ასისტენტი მაინც გიშველის.


6-საფეხურიანი მექანიკა ძველი სკოლის მოყვარულებს გააბედნიერებს, Facebook-ის თაობისთვის კი ავტომატიკაც არსებობს

ამ M2-ში გადაცემათა კოლოფი მექანიკური იყო - ძველი, კარგი სკოლა. მართალია, მექანიკა 100 კმ/სთ-მდე აჩქარებას ორი წამით მეტ დროს ანდომებს (4,5 წმ), ვიდრე ავტომატი (4,3 წმ), მაგრამ ”ძველი სკოლის” მოყვარულებს მაინც სწორედ მექანიკას გირჩევთ. BMW-ს მართვის სიამოვნების მოყვარულთათვის ის უალტერნატივო არჩევანია. ეს 6-საფეხურიანი ბოქსი ძალიან ვაჟკაცურია - მძღოლს აგრძნობინებს, რომ თვითონას ამ მანქანის ნაწლია. ასეთ რამეს დღეს ბევრი ავტომობილი ნაღდად აღარ გვთავაზობს. M2 კი გვთავაზობს და ამით გვახსენებს ისეთ ლეგენდარულ M-ს, როგორიც იყო მაგალითად E30 M3.

ახალი M2, რა თქმა უნდა, BMW-ს თბილისის ცენტრშიცაა ხელმისაწვდომი - ”ომეგა მოტორსში” მისი საწყისი ფასი 40 700 ევრო გახლავთ. მინდა გითხრათ, რომ ამ მანქანისთვის ეს ძალიან კარგი ფასია!


ოთხი მაყუჩი და ძრავის გადასარევი ჟღერადობა - M2 ჯიშიანი ბიჭია

დასკვნა
თანამედროვე სპორტული კომპაქტი, რომელიც ძველ სკოლის ტრადიციებს არ ივიწყებს - BMW M2 ავტომობილისტებისთვის, განსაკუთრებით კი ბავარიული ავტომწარმოებლის მოყვარულებისთვის, ძალიან კარგი საჩუქარია. კლასიკური 6-ცილინდრიანი Turbo-ძრავა 3 ლიტრი მოცულობით - სიამოვნება გარანტირებულია! M2 სუფთა M-ია - ამ ფენომენის საუკეთესო გაგებით და განსაკუთრებით იმ შემთხვევაში, თუ მექანიკას აირჩევ. ეს არის მანქანა, რომელიც BMW-ს ისტორიის წიგნში საპატიო ადგილს დაიკავებს და მფლობელს ისე შეაყვარებს თავს, როგორც ”ხულიგანკა” უყვარდათ და უყვართ საქართველოში.
შალვა ბუაჩიძე


  • BMW M2
ძრავა: 6-ცილინდრიანი, Turbo; მოცულობა: 2979 სმ3; სიმძლავრე: 272 კვტ (370 ცხ. ძ.)/6500; მაქს. მაბრუნი მომენტი: 465 ნმ/1400; მაქს. სისწრაფე: 250 კმ/სთ; აჩქარება 0-100 კმ/სთ: 4,5 წამში; ამძრაობა: უკანა; გად. კოლოფი: 6-საფეხურიანი; ავზის მოცულობა: 52 ლიტრი; სიგრძე/სიგანე/სიმაღლე: 4468/1854/1410 მმ; საბარგულის მოცულობა: 390 ლიტრი; წონა (EU): 1570 კგ; საწვავის ხარჯი (EU-Mix): 8,5 ლ. Super/100 კმ-ზე; გამონაბოლქვი: 199 გ/კმ; ფასი (ომეგა მოტორსში): 40 700 ევროდან



იხილეთ ვიდეო:
ახალი BMW M2-ის ექსკლუზიური ტესტ-დრაივი


ასევე იხილეთ:
BMW-ს ”მესამე სერიის” ისტორია ერთ ვიდეოში (+ VIDEO)
Auto Bild

BMW-ს ახალი ზონდერი: ლიმიტირებული ”მეშვიდე სერია”
Auto Bild

ეს BMW ყველა საგანში ხუთოსანია!
Auto Bild

BMW-ს ფანატებისთვის: ძველი M5 გარბენის გარეშე!


BMW იუბილარია - მართვის სიამოვნების 100 წელიწადი
Auto Bild

ლეგენდა, რომელმაც BMW კინაღამ გააკოტრა
Auto Bild

BMW წიწაკით
Auto Bild

ელვის პრესლის BMW (+26 ფოტო)
Auto Bild

BMW-ს ახალი, ლიმიტირებული ზონდერი
Auto Bild

გაიცანით: BMW-ს ყველაზე მძლავრი სერიული შვიდიანი
Auto Bild

გაიცანით: Alpina B7 – BMW-ს მეშვიდე სერიის სპეც-ვერსია
Auto Bild

BMW-ს ახალი ლუქს-ლიმუზინი:
ყველაფერი ახალი მე-7 სერიის შესახებ

Auto Bild


BMW-მ ლას ვეგასში მომავალი გვიჩვენა! (+ VIDEO)
Auto Bild

ლუქსი გერმანულად: ახალი მე-7 სერია და S-კლასი
Auto Bild

იხილეთ ფოტოგალერეა:
რა შეიცვალა ახალ მე-7 სერიაში
წინამორბედ მოდელთან შედარებით?
Auto Bild


BMW M4 GTS-ის გადასარევი წრე ნიურბურგრინგზე (+ VIDEO)
Auto Bild

გაიცანით: ყველაზე მძლავრი BMW X4
Auto Bild

BMW-ს ძველი სამი მუშკეტერი
Auto Bild
facebook twitter twitter
ელფოსტა ბეჭდვა
ტეგები:
BMW,
ტესტები
მრჩეველი
რეპორტაჟი
ავტოსპორტი
ტექნოლოგიები
article image
რამდენად ახალია ახალი გოლფი სინამდვილეში?
2017-06-22 07:51:27
ახალი ძრავები და ნავიგაცია, რომელსაც ჟესტებით ვმართავთ: ”ფოლკსვაგენმა” ”გოლფი” განაახლა და ჩვენ ის უკვე შევამოწმეთ
სრულად
article image
Cat Image
გემრიელი იტალიელი - ალფა რომეო სტელვიოს ექსკლუზიური ტესტი
2017-06-14 06:15:23
”სტელვიო” ”ალფა რომეოს” პირველი SUV-ია, რომელიც კლასში საუკეთესო სპორტულობას გვპირდება. ჩვენ ის გავტესტეთ და შეგვიძლია ვთქვათ: დიახ, ეს ყველანაირად ნაღდი ალფაა!
სრულად
article image
Cat Image
ახალი Mercedes E-კლასი კუპე - შეხვედრა მრავლისმნახველ ბაბუასთან
2017-05-31 07:02:04
ახალი ”E-კლასი კუპე” მშვენიერი ავტომობილია, მაგრამ აქვს იმის პოტენციალი, რომ W124-ივით ლეგენდარული გახდეს?
სრულად
ქართველი მხატვრის მიერ შექმნილი უნიკალური ჭადრაკი ოქროთი და ალმასებით
"მიხარია, ბავშვებისგან რომ მესმის, ზურა პაპას პაღში მივდივართო" – კაცი, რომელმაც გლდანში საოცარი სკვერი მოაწყო
ქართველი ქალბატონის ულამაზესი ბაღი ინგლისში დედოფლის სასახლის მახლობლად
ქირავდება 2-ოთახიანი დიდუბეში
იყიდება კერძო სახლი ვერაზე
იყიდება 3-ოთახიანი დიღმის მასივში
იყიდება 2-ოთახიანი საბურთალოზე
[დღის ინტერვიუ] სამ რამეზე მწყდება გული...
250 სტუმარი, 350 პოლიციელი... მესისა და ანტონელას გრანდიოზული ქორწილი [PHOTO]
შესრულებული მისია - San Francisco Chronicle-მა ზაზა ფაჩულიას სეზონი შეაჯამა
სხვა სიახლეები
ყველამ მაგინა, ვისაც არ დაეზარა - გვეშველება რამე?
29.06.2017
როდესაც გავიგე, რომ 1 ივლისიდან ჯარიმების ასქულიანი სისტემა შემოდიოდა, გადავწყვიტე მანქანის ახლებურად, ანუ წესების დაცვით მართვაში მევარჯიშა და... აი, მანდ შევცდი.
სრულად
ახალი ტოიოტა პრიუსი - ყოველთვის ყურადღების ცნტრში
28.06.2017
ალბათ ყველას გვახსოვს ის დრო, როდესაც ქართველი ავტომომხმარებლები საკმაოდ სკეპტიკურად იყვნენ განწყობილნი ჰიბრიდული ტექნოლოგიების მიმართ.
სრულად
რამდენ ხანში დაკარგავს მართვის მოწმობას დამრღვევი მძღოლი?
28.06.2017
პირველი ივლისიდან ძალაში შევა ახალი კანონი ”საგზაო უსაფრთხოების შესახებ”, რაც იმას ნიშნავს, რომ მართვის მოწმობაზე ქულათა სისტემა ამოქმედდება.
სრულად
ყველაზე კითხვადი
რამდენ ხანში დაკარგავს მართვის მოწმობას დამრღვევი მძღოლი?
რამდენ ხანში დაკარგავს მართვის მოწმობას დამრღვევი მძღოლი?
ახალი ნომრები - რა ღირს და როგორ დავჯავშნოთ
ახალი ნომრები - რა ღირს და როგორ დავჯავშნოთ
შსს გაზზე მომუშავე ავტომობილებთან დაკავშირებით განცხადებას ავრცელებს
„კუკუშკას“ კულტურული მემკვიდრეობის ძეგლის სტატუსი მიენიჭა
დღეიდან მართვის მოწმობის 100 ქულიანი სისტემა ამოქმედდა - რა დარღვევაზე რამდენი ქულა დაგაკლდებათ
N90 ივნისი 2017
ახალი ნომერი
რედაქტორის რჩევით
რამდენ ხანში დაკარგავს მართვის მოწმობას დამრღვევი მძღოლი?
რამდენ ხანში დაკარგავს მართვის მოწმობას დამრღვევი მძღოლი?
ყველამ მაგინა, ვისაც არ დაეზარა - გვეშველება რამე?
ყველამ მაგინა, ვისაც არ დაეზარა - გვეშველება რამე?
გემრიელი იტალიელი - ალფა რომეო სტელვიოს ექსკლუზიური ტესტი
გემრიელი იტალიელი - ალფა რომეო სტელვიოს ექსკლუზიური ტესტი
ფრენის განრიგი
მატარებლის განრიგი
IMG
აფიშა
ჰოროსკოპი
TV პროგრამა
ვალუტა
იყიდება, გაზის ბალონები 2 ცალი,
BMW 530 50 $
Honda Fit 50 $
გვაქვს ტოიოტა პრიუსის ნაწილები 2004
მესამე და სამართალი? ფოთის "ფაზისის" მშენებლობაზე მორიგი ტენდერი ჩატარდა
გიორგი ყიფიანი: მე, მედიამ და ქომაგმა ეს ზეწოლაში არ უნდა გადავზარდოთ!
თბილისის "დინამო": კოვტალიუკი, ქოჩლაძე და შულაია დაკვირკვების ქვეშ...
დღიურად 3 ოთახიანი ბინა, საბურთალო
დღიურად 2 ოთახიანი ბინა, ბათუმი