პეჟო ოპელის ყიდვას გეგმავს!

ჩვენი გერმანელი და ფრანგი კოლეგების ინფორმაციით, „ჯენერალ მოტორსის“ და „PSA პეჟო სიტროენის“ ხელმძღვანელობას შორის მიმდინარეობს მოლაპარაკება, რომლის შედეგადაც , მალე, შესაძლოა, ამერიკული კომპანიის გერმანულ/ბრიტანული შტო, „ოპელ/ვოქსოლი“ ფრანგული ჯგუფის ხელში გადავიდეს. ცნობილია, რომ „ოპელის“ მხრიდან, მოლაპარაკებაში მისი მთავარი აღმასრულებელი, კარლ-ჰაინც ნოიმანი ჩართული არაა.

ეს ინფორმაცია უკვე დაადასტურა PSA-ს ჯგუფმა, რომელმაც განაცხადა, რომ მოლაპარაკება „ოპელის“ შესყიდვის გარდა, მისი მომგებიანობის და ოპერაციული ეფექტურობის მიღწევის გზების ძიებასასაც ეხება. ცნობისათვის, „ჯენერალ მოტორსის“ და „PSA პეჟო სიტროენის“ გაერთიანებაზე მოლაპარაკება 2013 წელსაც მიმდინარეობდა, თუმცა შედეგი არ მოიტანა.

ფრანგულ ჯგუფთან „ოპელის“ გაერთიანების შემთხვევაში, შეიქმნება ევროპაში მეორე უდიდესი საავტომობილო ჯგუფი (ფოლკსვაგენის შემდეგ), რომელიც ძველი კონტინენტის ბაზრის დაახლოებით 16 პროცენტს გააკონტროლებს. ამასთან, გენერლები სრულად გამოვლენ ევროპული ბაზრიდან - უფრო ადრე, მათ ევროპა „შევროლეს“ დაატოვებინეს. თუმცა სავარაუდოდ, „ოპელის“ გაყიდვის შემდეგ, „შევროლე“ ევროპის ბაზარს ისევ დაუბრუნდება.

აღსანიშნავია, რომ მალე „ოპელი“ გამოუშვებს ქროსოვერ „ქროსლენდ X-ს“, რომელიც „PSA პეჟო სიტროენის“ ბაზაზეა აგებული. ის მინივენ „მერივას“ შეცვლის. ამავე პლატფორმაზე აიგება შემდგი თაობის „პეჟო 2008“ და „სიტროენ C3 პიკასო“.

ასევე იხილეთ:
აღმოჩენილია ახალი ავტომობილი: ოპელ პრადო!
Auto Bild