გავრცელებული ინფორმაციით, ახალ „ტოიოტა სუპრას“, რომელზეც იაპონური კომპანია BMW-სთან ერთად მუშაობს, ბავარიელთა მიერ შემუშავებული აგებულება და აღჭურვილობა ექნება. იმავე პლატფორმაზე და ძრავებით, მსგავს ავტომობილს BMW-ც გამოუშვებს, ოღონდ ორი კომპანიის ავტომობილებს განსხვავებული გარეგნობა ექნება.



ამ პროექტში „ტოიოტას“ მონაწილეობა ფინანსური კუთხით შემოიფარგლება. პარალელურად, დახმარების სანაცვლოდ, იოაპონური კომპანია თავის პარტნიორს ჰიბრიდულ და ელექტრომობილების ტექნოლოგიებს გაუზიარებს, რომლებსაც ბავარიელები თვიანთ სხვა მოდელებზე გამოიყენებენ.

„ტოიოტამ“ სწორედ მსგავსი თანამშრომლობით შეძლო ბაზარზე სპორტქარ GT86-ის გამოშვება. ოღონდ, მის შექმნაში მონაწილეობა „სუბარუმ“ მიიღო. მაშინაც პარტნიორობა მსგავსი იყო - პროექტირების ძირითადი სამუშაოები „სუბარუმ“ შეაასრულა, „ტოიოტამ“ კი ავტომობილი თავისი ძარით „შემოსა“.

• ახალი „სუპრას“ გამოსაშვებად, იაპონურ კომპანიას შესაფერისი პლატფორმა არ გააჩნია და აღარც ერთრიგა ექვსცილინდრიან ძრავებს აწარმოებს. ამიტომ საქმეში BMW-ს ჩართვა მისთვის ორმაგად მომგებიანი იქნება.

ახალი სპორტქარის დიზაინი კონცეპტუალური FT-1-ის (ფოტოებზე) შთაგონებით შეიქმნება. ადრე იყო ლაპარაკი, რომ სერიული მოდელი კონცეპტის ფორმებს გაიმეორებდა, თუმცა „ტოიოტამ“ რადიკალურ, თუმცაღა ძალიან მიმზიდველ ფორმებისგან თავის შეკავება ამჯობინა.



ასევე იხილეთ:
უსწრაფესი წინაამძრავიანი მსოფლიოში
ახალი Honda Civic Type R ნიურბურგრინგზე!


ასევე იხილეთ:
ალფა ჯულიამ ნიურბურგრინგი დაიპყრო! (+ VIDEO)


BMW M4 GTS-ის გადასარევი წრე
ნიურბურგრინგის ნორდშლაიფეზე (+ VIDEO)