ექვსი წელი გავიდა მას შემდეგ, რაც „ბრიჯსტოუნმა“ პირველად გვიჩვენა კოცეპტუალური უჰაერო საავტომობილო საბურავი, რომელშიც შეკუმშული აირის ნაცვლად , რხევების ჩამქრობის მოვალეობას, თერმოპლასტიკის დრეკადი „წკირები“ ასრულებდა. ახლახანს კი ცნობილი გახდა, რომ იაპონური კომპანია ამ საბურავის მოპედის ვერსიის გამოშვებას აპირებს.

სერიული საბურავებიც იმავე პლასტიკისგან დამზადდება, რომლითაც კონცეპტუალური, საავტომობილო ვერსია იყო გაკეთებული. სერიულ ვარიანტზე „ბრიჯსტოუნი“ და მისი შტო - „ბრიჯსტოუნ საიკლი“ მუშაობდნენ. ეს უკანასკნელი, ველოსიპედების და მოტოციკლების საბურავების წარმოებაზეა სპეციალიზებული. ახალი საბურავი იმითაც არის საინტერესო, რომ ის მთლიანად ექვემდებარება გადამუშავებას.



ახალი ტიპის საბურავების მთავარი ღირსება ისაა, რომ მათში ჰაერის არარსებობის გამო, დაშვება გამორიცხულია. გარდა ამისა, კონსტრუქციული თავისებურების გამო, ველოსიპედის და მოპედის უჰაერო საბურავი უფრო მოქნილიც იქნება. სამაგიეროდ, მასში ჰაერის არარსებობის გამო, საბურავის სიმაგრის ცვალებადობაც შეუძლებელი იქნება.

ამ ეტაპზე, „ბრიჯსტოუნი“ ეძებს იმის გზებს, რომ ახალი ტიპის საბურავი კომერციულად ხელმისაწვდომი იყოს. კომპანია აცხადებს, რომ სავარაუდოდ, უჰაერო საბურავებს 2019 წელს გამოუშვებს.

ასევე დაგაინტერესებთ:
10 მარტივი და რეალური რჩევა:
როგორ შევამციროთ საწვავის ხარჯი?


ასევე დაგაინტერესებთ:
თუ გვინდა, რომ მანქანა ერთგულად გვემსახუროს...